El Maga Profecia Acerca na Mesias Ba Ta Dale Prueba que si Jesus el Mesias?
El contestacion del Biblia
Si. Mientras taqui si Jesus na tierra, ya cumpli le manada profecia acerca con el “Mesias que Lider,” el quien hay “salva con el mundo.” (Daniel 9:25; 1 San Juan 4:14, El Nuevo Testamento na Chavacano) Y maskin despues del de suyu muerte, si Jesus ya continua cumpli con el maga profecia acerca con el Mesias.—Salmo 110:1; Maga Actividad 2:34-36.
Cosa quierre decir del “Mesias”?
El Hebreo termino Ma·shiʹach (Mesias) y el Griego palabra Khri·stos (Cristo) quierre decir “Iscujido.” Entonces, el nombre “Jesucristo” quierre decir “Jesus el Iscujido” o “Jesus el Mesias.”
Na tiempo del Biblia, ta vacia aceite na cabeza del un persona con quien ya iscuji para na un especial posicion. (Levitico 8:12; 1 Samuel 16:13) Ya iscuji el Dios con Jesus para queda el Mesias—un posicion que tiene grande autoridad. (Maga Actividad 2:36) Pero en vez usa aceite para iscuji con Jesus, el Dios ya iscuji con ele por medio de sagrao espiritu.—Mateo 3:16.
Posible ba que mas de un persona el quien cumpli con el maga profecia acerca con el Mesias?
Gendeh. Igual na un fingerprint que gendeh puede tiene igual con otro, el cumplimiento del maga profecia na Biblia ta refiri lang na un Mesias o Cristo. Pero, el Biblia ya dale aviso que “ay abuya maga falso Cristo y maga falso profeta, y ay hace sila maga grande señal y maga milagro para engaña con el maga escujido.”—Mateo 24:24.
Posible ba el Mesias aparece na futuro?
Gendeh. El Biblia ya predicta que el Mesias hay sale na linea de Rey David de Israel. (Salmo 89:3, 4) Pero, ya acaba perde el maga record de descendencia estaba pa na tiempo de David, posible cuando el maga Romano ya destroza con el Jerusalem del 70 C.E. a Desde na ese tiempo, imposible na maskin quien que dale prueba que estaba le na linea de David. Pero maskin pa tiene este maga record na tiempo de Jesus, el de suyu maga enemigo nuay puede cuestiona que descendiente le de David.—Mateo 22:41-46.
Cuanto profecia acerca na Mesias el puede incuntra na Biblia?
Imposible determina con el especifico numero del maga profecia acerca con el Mesias. Por ejemplo, posible otro-otro el manera de cuntada del maga profecia maskin na maga texto que claro ta refiri con el Mesias. El Isaias 53:2-7 ta menciona cuanto profecia acerca con el Mesias. El cuanto posible cunta con este entero texto como un profecia, mientras el otro posible mira con el otro-otro aspeto de este como otro-otro profecia.
El cuanto profecia acerca na Mesias que ya cumpli con Jesus
Profecia |
Puede incuntra na |
Cumplimiento |
|---|---|---|
Descendiente de Abraham |
||
Descendiente del anak de Abraham, si Isaac |
||
Hay sale na tribo de Juda |
||
Hay sale na linea de Rey David |
||
Hay nace con ele el un virgen |
||
Hay nace na Betlehem |
||
Hay llama con ele Emmanuel b |
||
Simple lang el vida |
||
Hay mata con el maga bata despues le nace |
||
Hay sale na Egipto |
||
Llama con ele Nazareno c |
||
Hay man una con ele un mensajero |
||
Ya iscuji con ele como el Mesias del 29 C.E. d |
||
El Dios ya llama con ele De Suyu Anak |
||
Activo para na casa del Dios |
||
Ya proclama con el buen noticia |
||
Ministerio na Galilea, un grande claridad |
||
Ya hace milagro igual con Moises |
||
Igual con Moises, ya habla le si cosa el na pensamiento del Dios |
||
Ya cura el enfermedad del manada |
||
Nuay saca atencion del otro |
||
Ya dale mira compasion con el maga ta sufri |
||
Ya revela con el justicia del Dios |
||
Bueno dale consejo |
||
Ya manda conoce el nombre de Jehova |
||
Ya usa maga ilustracion si ta converza |
||
Un Lider |
||
Manada nuay creé con ele |
||
Un piedra que ta hace tisut |
||
Nuay con ele acepta el maga gente |
||
Ya odia con ele maskin nuay razon |
||
Ya entra na Jerusalem muntao na asno |
||
Ya alaba con ele el maga bata |
||
Ya vene na nombre de Jehova |
||
Ya traiciona con ele el un persona con quien le ta confia |
||
Ya traiciona por 30 pedazo de plata e |
||
Ya abandona con ele el de suyu maga amigo |
||
Maga falso testigo ya hace testimonia contra con ele |
||
Silencio adelante del maga acusador |
||
Ya escupi con ele |
||
Ya garrutia na cabeza |
||
Ya latiga con ele |
||
Nuay sangga con aquellos ya gulpia con ele |
||
Ya plaña mata con ele el maga lider del gobierno |
||
Ya clava con ele na estaca por medio na de suyu mano y pies |
||
Yan rifa con el de suyu ropa |
||
Ya hace junto na maga pecador |
||
Ya gangguia y ya insulta con ele |
||
Ya sufri para na maga pecador |
||
Dol ya abandona el Dios |
||
Ya dale con ele vinagre y hiel para toma |
||
Con sequia antes le muri |
||
Ya encarga con el de suyu espiritu con Dios |
||
Ya dale el de suyu vida |
||
Ya dale el rescate para quita con el pecado |
||
Nuay quebra el bukuk |
||
Ya lancia |
||
Ya entera junto na rico |
||
Ya resucita na muerte |
||
Ya cambia con el quien ya traiciona |
||
Ya sinta na lao derecha del Dios |
a El Cyclopedia de McClintock y Strong ya habla: “Claro que el maga record del descendencia del maga Judio tribo y familia ya acaba perde cuando ya destroza con el Jerusalem y gendeh antes de ese.”
b El Hebreo nombre Emmanuel quierre decir “Junto Kanaton el Dios” claro ta dale mira el papel de Jesus como el Mesias. El venida de suyu aqui na tierra y el de suyu trabajo ta dale prueba que el Dios junto con el De Suyu maga siervo.—Lucas 2:27-32; 7:12-16.
c El termino “Nazareno” posible ya sale na Hebreo palabra neʹtser que quierre decir “suyo.”
d Para na mas detalle acerca na iscujida del Mesias del 29 C.E., mira con el articulo “El Profecia Acerca na 70 Semana.”
e Este profecia puede incuntra na libro de Zacarias, pero el escritor del Biblia que si Mateo ya habla que este el “cosa ya anuncia el profeta Jeremias.” (Mateo 27:9) Ta sale que tiene vez, el libro de Jeremias amo el primero na seccion del Escritura que ta llama “maga libro del maga Profeta.” (Lucas 4:44) Posible, ya usa si Mateo con el nombre “Jeremias” para refiri con el entero coleccion del libro que ta inclui el libro de Zacarias.
Baka Gusta Tambien Tu
AWAKE!
Si Porque Ya Examina el un Judio Mujer con el De Suyu Religion
Cosa evidencia el ya convinci con Racquel Hall que si Jesus amo el Mesias que ta espera le?
ENSEÑANZA DEL BIBLIA
Pruba con el Libre Estudiada
Pruba con el diamon libre estudiada de Biblia junto con el un Testigo de Jehova.