Normal lang que tiene kita miedo muri y ta hace kita el todo lo que puede para protege con el diaton mismo cuerpo. (1 Corinto 15:26) Pero, el sobra miedo na muerte por causa na falso enseñanza o supersticion puede causa para el maga gente queda “maga muchacho na entero del diila vida.” (Maga Hebreo 2:15, El Nuevo Testamento na Chavacano) El verdad puede libra contigo na sobra miedo na muerte—miedo que puede hace perde con el alegria na de tuyu vida.—Juan 8:32.

El verdad acerca na muerte

•   El maga muerto no sabe ni nada. (Salmo 146:4) Nuay razon para tiene miedo que hay sufri tu despues del muerte cay el Biblia ya compara con el muerto como ta durmi lang.—Salmo 13:3; Juan 11:11-14.

•   Gendeh kanaton puede hace sinti duele el maga muerto. Maskin el maga enemigo del un persona de antes queda ya “nuay poder na muerte.” (Proverbio 21:16) El Biblia ta habla que “ya perde ya tambien el diila . . . rabia y el diila selos.”—Eclesiastes 9:6.

•   Si el gente ya muri, gendeh se quierre decir que permanente ya le gendeh existi. Por medio na resureccion, el Dios hay hace vivi otravez con el maga muerto.—Juan 5:28, 29; Maga Actividad 24:15.

•   El Dios ya promete que llega el tiempo “nunca mas ay tene muerte.” (Revelacion 21:4) Acerca na ese dia, el Biblia ta habla: “El maga recto hay hereda con el tierra, y hay esta sila alli hasta para cuando.”—Salmo 37:29.