Puede obtene el paz na mundo, gendeh por medio na esfuerzo del maga gente, sino por medio na Reino del Dios—un gobierno na cielo donde si Cristo Jesus el ta rula. Nota si paquemodo el Biblia ta enseña kanaton acerca con este bonito esperanza.

1.   “Hay termina [el Dios] con el maga guerra na entero mundo.” Na ese manera, cumpli le con el de suyu promesa que lleva “paz na mundo con el maga gente con quien ta ama Le.”—Salmo 46:9; Lucas 2:14.

2.   El Reino del Dios hay rula na cielo para aqui na tierra. (Daniel 7:14) Este gobierno hay quita con el nacionalismo que amo el causa del manada problema.

3.   Ta llama tambien con Jesus, el quien rula na Reino del Dios, como el “Principe de Paz” y hay asigura le que “el paz hay esta hasta para cuando.”—Isaias 9:6, 7.

4.   El maga violente gente gendeh puede hereda con el Reino ciendo “ta odia [el Dios] con aquellos quien ta ama violencia.”—Salmo 11:5; Proverbio 2:22.

5.   El Dios ta enseña con el maga gente si paquemodo vivi con paz. Por causa de este, el Biblia ya habla: “Hay hace sila pilo de arrao con el diila maga espada y con el diila maga lanza hace sila sanggut. El maga nacion gendeh mas alza espada contra otro nacion, ni aprende pa sila man guerra.”—Isaias 2:3, 4.

 Ahora, millones del maga Testigo de Jehova na entero mundo el ya aprende estaba con Dios si paquemodo vivi con paz. (Mateo 5:9) Maskin otro-otro el diamon cultura y ta queda na mas de 230 lugar, gendeh kame ta participa na guerra.