Natural lang pregunta kita si porque ta muri el gente, especialmente si ya muri el un persona que importante kanaton. El Biblia ta habla: “El pecado amo man el cosa que ta dale poder con el muerte”​—1 Corinto 15:56, El Nuevo Testamento.

Porque el todo gente ta comete pecado y ta muri?

 El primer gente, si Adan y Eva, ya muri cay ya comete sila pecado con Dios. (Genesis 3:17-19) El muerte amo lang el posible resulta del diila rebelion contra con Dios cay ele “el tuburan del vida.”​—Salmo 36:9; Genesis 2:17.

 Si Adan ya hace pasa con el efecto del pecado na de suyu maga descendiente. El Biblia ta habla: “Por medio de un gente el pecado ya entra na mundo. Y, por medio del pecado, ya entra el muerte. Y el muerte ya alcanza con todo el maga gente, cay todo sila ya peca.” (Roma 5:12, El Nuevo Testamento na Chavacano) Todo gente ta muri cay todo sila ya hereda con el pecado.​—Roma 3:23.

Si paquemodo quita con el muerte

 El Dios ya promete que llega el tiempo “hay traga le con el muerte hasta para cuando.” (Isaias 25:8) Para quita con el muerte, debe le quita con el causa de este, amo el pecado. Hace el Dios con este por medio con Jesucristo, quien hay “quita el pecado del mundo.”​—Juan 1:29; 1 San Juan 1:7.