Aquellos quien ta pregunta acerca na proposito del vida posible pregunta, Porque kita taqui na mundo? o Tiene ba proposito de mio vida? El Biblia ta dale mira que el proposito del diaton vida amo para queda kita amigo del Dios. Considera con este cuanto maga importante verdad na Biblia.

•   El Dios amo el diaton Creador. El Biblia ta habla: “El diamon Dios y Señor, Uste lang conviene recivi el gloria, el honor y el poder, cay Uste amo el quien ya hace con el entero mundo y cay, por causa del de Uste voluntad, ya hace con todo maga cosa-cosa que tiene ahora.”​—Revelacion 4:11, El Nuevo Testamento na Chavacano; Salmo 100:3.

•   Tiene proposito el Dios para na todo cosas que ya crea le, incluido ya kita.​—Isaias 45:18.

•   Ya crea kanaton el Dios que tiene “espiritual necesidad” y incluido aqui el deseo para sabe si cosa el proposito del diaton vida. (Mateo 5:3, NWT) Quierre le que satisfecha kita con ese deseo.​—Salmo 145:16.

•   Ta satisfecha kita con el diaton espiritual necesidad si ta hace kita manera para queda amigo del Dios. Para con otro, dol imposible que queda sila amigo del Dios pero el Biblia ta anima kanaton: “Atraca con Dios y Ele ay atraca con ustedes.”​—Santiago 4:8; 2:23.

•   Para queda amigo del Dios, debe kita vivi harmonia na de suyu proposito para kanaton. El Biblia ta menciona si cosa este proposito na Eclesiastes 12:13: “Tiene hondo respeto con Dios y obedece con el de suyu maga mandamiento cay amo este el razon si porque kanaton ya crea.”​—Good News Translation.

•   Na futuro, puede kita experiencia con el original proposito del Dios para kanaton si quita ya le con el sufrimiento y dale vida hasta para cuando con el de suyu maga amigo​—aquellos quien ta adora con ele.​—Salmo 37:10, 11.