Debe kita reza na nombre de Jesus cay este lang el aceptable manera para atraca con Dios na rezo. Si Jesus ya habla: “Yo amo el Camino, el Verdad y el Vida. Noay quien ay puede anda con el Tata si gendeh por medio dimio.” (Juan 14:6) Ya habla tambien si Jesus na de suyu maga fiel apostoles: “Ta asigura yo con ustedes: Maskin cosa ay pidi ustedes con el Tata na dimio Nombre ay dale Le con ustedes.”—Juan 16:23.

Omento razon si porque debe reza na nombre de Jesus

•   Ta honra kita con Jesus y con el de suyu Tata, si Dios Jehova.—Filipo 2:9-11.

•   Ta dale kita mira que ta aprecia kita con el muerte de Jesus como el provision del Dios para na diaton salvacion.—Mateo 20:28; Maga Actividad 4:12.

•   Ta conoce kita con Jesus como el Mediador entre con Dios y con el gente.—Maga Hebreo 7:25.

•   Ta conoce kita con Jesus como el Alto Sacerdote quien puede ayuda kanaton obtene buen relacion con Dios.—Maga Hebreo 4:14-16.