Para queda sagrao quierre decir que hace separta na cosa mabuling. El Hebreo palabra que yan translate “sagrao” amo estaba na un termino que quierre decir “separtao.” Entonces, el un sagrao cosa separtao na maga comon cosa, especialmente cay limpio este y puro.

 El Dios el de con todo sagrao. El Biblia ta habla: “Nuay sagrao que igual con Jehova.” a (1 Samuel 2:2) Entonces, justo lang que el Dios determina si cosa el sagrao.

 El palabra “sagrao” puede aplica na maskin cosa que directa conectao con Dios, especialmente el maga cosas que ya aparta le para lang na adoranza. Por ejemplo, el Biblia ya menciona acerca na:

•   Maga sagrao lugar: El Dios ya habla con Moises cerca na matunuk siembra que ta arde: “Sagrao el tierra donde tu ta para.”​—Exodo 3:2-5.

•   Maga sagrao ocasion: El maga Israelita de antes ta adora con Jehova na maga religioso fiesta que ta llama “maga sagrao convencion.”​—Levitico 23:37.

•   Maga sagrao cosas: El maga cosas que ta usa na adoranza con Dios na templo de Jerusalem de antes ta llama “maga sagrao galamiton.” (1 Rey 8:4) Debe trata con respeto con este maga cosas, pero gendeh debe adora con este. b

 Si. El Biblia ya manda con el maga Cristiano: “Debe ustedes queda sagrao, cay iyo sagrao.” (1 Pedro 1:16, NWT) Siempre, nunca puede queda sagrao el maga imperfecto gente igual si paquemodo de sagrao el Dios. Pero maskin pa ansina, el maga gente quien ta obedece con el maga recto ley del Dios ta considera como “santo [“sagrao,” NWT] y que Ele ta gusta.” (Roma 12:1, El Nuevo Testamento na Chavacano) Puede mira na maga palabra y accion del un persona que ta pricura le queda sagrao. Por ejemplo, ta obedece le con el consejo na Biblia que “queda santo y lejos na maga immoralidad” y “queda santo na todo maga cosa-cosa que ustedes ta hace.”​—1 Tesalonica 4:3; 1 Pedro 1:15.

 Si. El Dios gendeh mas considera con el un persona como sagrao si nuay mas le sigui con el maga principio del Dios. Por ejemplo, el libro de Maga Hebreo na Biblia amo para na maga sagrao hermano pero ya dale este aviso que puede sila tiene “un corazon malo y noay fe y que ay causa [kanila] para queda lejos con el Dios vivo.”​—Maga Hebreo 3:1, 12.

 Gendeh justo idea: Queda mas sagrao el un persona si gendeh le casa.

 Verdad: Maskin pa nuay decidi casa el un Cristiano, gendeh se quierre decir que sagrao ya le dayun na vista del Dios. Deverasan, aquellos quien gendeh casa puede man focus na diila adoranza. (1 Corinto 7:32-34) Pero, el Biblia ta dale mira que puede tambien queda sagrao el maga casao. Gane, casao el uno del maga apostoles de Jesus, si Pedro.​—Mateo 8:14; 1 Corinto 9:5.