Puede Ba Dale Comforta Conmigo el Biblia?
El contestacion del Biblia
Si. (Roma 15:4) Considera con el cuanto texto na Biblia que ya dale comforta na manada gente quien ta enfrenta maga dificultad y maga lingasa.
Na este articulo
Grabe problema
Salmo 23:4: “Maskin pa camina yo na bien iscuru valle, gendeh yo ta tiene miedo, cay junto tu conmigo.”
Si cosa quierre decir: Si reza tu con Dios y confia con el guia que talli na de suyu Palabra, el Biblia, puede tu con coraje enfrenta con el maga grabe problema.
Filipo 4:13, NWT: “Tiene yo fuerza para enfrenta todo cosas por causa con ele quien ta dale conmigo poder.”
Si cosa quierre decir: Puede el Dios dale contigo fuerza para enfrenta con el maskin cosa problema.
Muerte del un pariente o amigo
Eclesiastes 9:10: “Nuay mas trabajo ni plano ni saber ni sabeduria na Sepultura.”
Si cosa quierre decir: Gendeh mas ta sufri aquellos quien ya muri y gendeh tambien sila puede hace sinti duele kanaton. No sabe sila ni nada y nuay mas sila cosa ta sinti.
Maga Actividad 24:15, El Nuevo Testamento na Chavacano: “El maga gente . . . hay resucita.”
Si cosa quierre decir: Puede hace vivi otravez el Dios con el diaton maga pariente o amigo que ya muri ya.
Sobra tan conciencia
Salmo 86:5: “Cay etu, O Jehova, a bueno y preparao para perdona; abundancia tu de amor leal para con todo quien ta llama contigo.”
Si cosa quierre decir: Ta perdona el Dios con aquellos quien deverasan ta arripinti con el diila maga kamali y determinao que gendeh hace con aquel otravez.
Salmo 103:12: “Si paquemodo de lejos el subida del sol na abajada de este, ansina tambien de lejos le ya pone kanaton el diaton maga pecado.”
Si cosa quierre decir: Si ta perdona el Dios, dol ta buta le bien lejos con el diaton maga pecado. Gendeh mas le se ta hace bira o usa con ese para castiga kanaton.
Tristeza
Salmo 31:7: “Ya mira uste con el de mio sufrimiento; sabe uste el de mio grabe lingasa.”
Si cosa quierre decir: Sabe el Dios el todo de tuyu sufrimiento. Ta entende le si cosa gayot tu ta sinti maskin pa gendeh ta entende el otro.
Salmo 34:18: “Cerca si Jehova con aquellos quien dolorido el corazon; ta salva le con aquellos bien triste.”
Si cosa quierre decir: Ya promete el Dios que suporta le contigo si ta sinti tu triste. Puede le contigo dale el fuerza para aguanta con el de tuyu tristeza.
Enfermedad
Salmo 41:3: “Hace con ele fuerte si Jehova na tiempo que enfermo le y no puede levanta na cama.”
Si cosa quierre decir: El Dios puede ayuda contigo enfrenta con el un serioso enfermedad. Hay dale le contigo paz na pensamiento, fuerza para aguanta y sabeduria para hace maga buen decision.
Isaias 33:24: “Nuay residente quien hay habla: ‘Enfermo yo.’”
Si cosa quierre decir: Ya promete el Dios que llega el tiempo, el todo maga gente hay tene buen salud.
Stress y lingasa
Salmo 94:19: “Cuando bien malingasa yo, ya dale uste conmigo comforta y alivio.”
Si cosa quierre decir: Si atraca kita con Dios si ta sinti kita stress, puede le ayuda kanaton para esta calmao.
1 Pedro 5:7: “Deja todo el de ustedes maga lingasa con Ele, cay Ele ta cuida con ustedes.”
Si cosa quierre decir: Tiene queber el Dios con el diaton maga sufrimiento. Ta invita le kanaton que reza con ele acerca con el diaton maga problema.
Guerra
Salmo 46:9: “Hay termina le con el maga guerra na entero mundo.”
Si cosa quierre decir: Gendeh dura, hay termina el Reino del Dios con el todo guerra.
Salmo 37:11, 29: “El maga sumiso hay hereda con el tierra y hay queda sila bien alegre cay tiene sila incomparable paz. . . . El maga recto hay hereda con el tierra y hay esta sila alli hasta para cuando.”
Si cosa quierre decir: Hay queda alegre el maga gente cay hay tene ya paz na entero mundo hasta para cuando.
Lingasa acerca na futuro
Jeremias 29:11: “‘Sabe yo el maga pensamiento que ta pensa yo para con ustedes,’ si Jehova ya habla, ‘pensamiento de paz, y gendeh de calamidad, para dale con ustedes futuro y esperanza.’”
Si cosa quierre decir: Ya asigura el Dios con el de suyu maga siervo que hay tene sila buen futuro.
Revelacion 21:4: “Ay limpia Le el lagrimas na diila maga ojos y nunca mas ay tene muerte, ni dolor, ni tristeza, cay el mundo de antes ya acaba ya.”
Si cosa quierre decir: Ya promete el Dios que hay termina le con el todo mal cosas que ta mira y ta experiencia tu ahora.
a Jehova el personal nombre del Dios. (Salmo 83:18) Mira con el articulo “Quien si Jehova?”
Baka Gusta Tambien Tu
CONTESTACION NA MAGA PREGUNTA ACERCA NA BIBLIA
Onde Yo Puede Incuntra Esperanza?
Tiene un libro que puede hace mas bonito con el de tuyu vida ahora y dale contigo confianza acerca na futuro.
OTRO MAGA TOPICO
Comforta Para na Maga Dolorido
Si ya muri el persona con quien kita ta ama, posible kita sinti que nuay quien ta entende con el dolor que ta sinti kita. Pero ta sinti se el Dios y puede le ayuda.
ESSENTIAL BIBLE TEACHINGS
Porque Ta Permiti el Dios con el Sufrimiento?
Manada el ta pregunta si porque el mundo lleno de rabia y sufrimiento. El Biblia ta dale contestacion acerca con ese pregunta que puede kanaton dale comforta.
ESPECIAL CAMPAÑA
Pruba con el Libre Estudiada
Pruba con el diamon libre estudiada de Biblia junto con el un Testigo de Jehova.