Claro ya dale mira el Biblia que nuay crea el Dios con el Diablo. Sino, ya crea Le con el persona quien ya queda el Diablo. Acerca con Dios, el Biblia ya habla: “Perfecto el de suyu actividad, cay el de suyu camino tiene justicia. Un fiel Dios con quien nuay injusticia; justo y recto le.” (Deuteronomio 32:3-5) Base na cosa ya habla el texto, puede kita habla que si Satanas Diablo perfecto y recto angel del Dios de antes.

 Si Jesus ya habla que el Diablo “nuay esta na verdad.” (Juan 8:44, NWT) Este quierre decir que si Satanas fiel y nuay culpa de antes.

 Pero igual na otro maga inteligente creatura de Jehova, el angel quien ya queda Satanas tiene libertad para iscuji el bueno y malo. Cuando ya iscuji le man contra con Dios y ya influencia con el primer man maridable que sigui con ele, ya hace le con el de suyu mismo cuerpo si Satanas, quierre decir “el uno quien ta resisti.”—Genesis 3:1-5; Revelacion 12:9.