PREGUNTA DEL MAGA JOVENES

Porque Bueno que Atende na Maga Miting na Kingdom Hall?

MAN PLAY

Dos beses cada semana, tiene maga miting ta hace el maga Testigo de Jehova na diila maga lugar de adoranza que ta llama Kingdom Hall. Cosa ta hace alla y paquemodo tu beneficia si atende tu?

Cosa ta hace na Kingdom Hall?

El Kingdom Hall amo un lugar donde ta aprende maga practical leccion estaba na Biblia. El maga miting que ta hace alla puede ayuda contigo para:

aprende el verdad acerca con Dios.
entende si porque ta sucede el cuanto cosas na mundo.
queda mas buen persona.
incuntra el de con todo buen clase de maga amigo.

Sabe ba tu? El lugar onde tan miting el maga Testigo de Jehova ta llama Kingdom Hall cay pirmi ta discuti alla acerca na Reino del Dios.—Mateo 6:9, 10; 24:14; Lucas 4:43.

Porque tu debe atende?

Puede ayuda contigo el maga informacion. El maga principio na Biblia que ta discuti na maga miting del maga Testigo de Jehova puede ayuda contigo “saca sabeduria.” (Proverbio 4:5) Quierre decir de este que el Biblia puede ayuda contigo para hace maga buen decision na vida. Puede tambien este ayuda contigo para incuntra el maga contestacion na maga importante pregunta acerca na vida, incluido:

El siguiente amo el cuanto del maga titulo del maga talk que ta dale na maga miting na weekend:

Porque Kita Debe Sigui con el Guia del Biblia?
Onde Kita Puede Incuntra Ayuda na Tiempo de Problema?
Si Cosa Ta Hace el Reino del Dios Para Kanaton Ahora.

“El de mio classmate ya anda na uno del maga miting. Ya sinta le junto na diamon familia y yan share kame con ele el diamon maga libro. Despues, ya habla le conmigo que ya gusta gayot le con el maga comento que ya dale el maga quien ta atende durante na maga programa que puede participa el maga audience. Ya habla tambien le que na diila iglesia nuay sila el igual material que ta usa kita na estudiada.”—Brenda.

Sabe ba tu? Libre lang atende na Kingdom Hall y nuay coleccion que ta hace.

Puede anima contigo el asosacion. El Biblia ta habla que el un razon si porque el maga Cristiano debe man junto-junto amo para “dale animo con uno y otro.” (Maga Hebreo 10:24, 25) Na este mundo donde mayoria del maga gente ta pensa lang el diila mismo cuerpo ta puede gayot anima el buen asosacion junto na maga gente quien ta hace una con Dios y con otro contra con el diila mismo cuerpo.

“Despues el entero dia, posible hay sinti yo triste y cansao. Pero, el maga gente na Kingdom Hall pirmi ta dale conmigo alivio. Si ta bolbe ya yo despues del miting, ta sinti yo alegre y preparao ya tambien yo enfrenta maga dificultad para mañana.—Elisa.

Sabe ba tu? Tiene mas de 120,000 congregacion del maga Testigo de Jehova na entero mundo y tan junto-junto kame na mas de 60,000 locacion. Cada año, maga 1,500 Kingdom Hall el ta construi ciendo ta omenta el maga quien ta atende. a

Si cosa ta habla el otro jovenes

“Cuando high school yo, el de mio classmate ya sigui conmigo na cuanto maga miting y alegre gayot le que junto-junto ta estudia con el Biblia el maga gente que diferente el edad. Nuevo lang, el de mio amo ya atende y bilib gayot le que pirmi gayot kita ta usa con el Biblia. Cuando ya mira yo con el de suyu apresacion na miting, mas ya aprecia tambien yo con ese!”—Jessica.

“Si ta atende yo maga miting, ta ayuda se conmigo ulvida el de mio maga lingasa. Puede kita aprende si paquemodo tene alegre vida, paquemodo queda mas buen persona y mas pa. Pirmi gayot yo ta sinti alegre y tiene alivio si ta bolbe ya yo estaba na Kingdom Hall.”—Timothy.

“El un hombre con quien yo ya invita na miting ya habla: ‘Ya atende lang yo para busca prueba que mali el cosa ustedes ta creé. Pero, ya aprende yo que el cosa yo ta creé amo el mali!’ Ya gusta tambien gayot le con el buen tratamiento del maga Testigo de Jehova. Ya habla le: ‘Maskin pa nuevo lang yo con ustedes ya conoce, ya trata ustedes conmigo como bien conoce ya gayot yo con ustedes por cuanto año!’ ”—Jacob.

“Tiene maga tiempo, ya pensa yo que sale lang dayun yo despues del miting. Pero durante el miting, ya perde aquel sentido. Despues del miting, tan cuento yo con el maga gente y gendeh yo ta acorda si porque yo quel ya sinti del primero. Si gendeh por causa del maga miting, nuay era yo maga buen amigo y amiga que tiene yo ahora.”—Madison.