Principia este año, hay tiene kita mas tiempo prepara para na Comemoracion del muerte del Cristo. Si el Comemoracion hay tupa na weekday, nuay Miting de Vida y Ministerio para na ese semana. Si tupa este na weekend, nuay discurso de publico y Estudiada del El Torre de Guardia. Usa ba tu enbuenamente con este omento tiempo? Igual na primer siglo, tiene maga cosas que necesita hace para na este especial ocasion. (Lc 22:7-13; km-E 3/15 1) Pero todo kita debe prepara con el diaton corazon. Paquemodo se kita puede hace?

• Medita si porque importante atende con este ocasion.​—1Co 11:23-26

• Reza y examina con el de tuyu personal relacion con Jehova.​—1Co 11:27-29; 2Co 13:5

• Le y medita maga texto y publicacion que ta discuti acerca na Comemoracion y si cosa este quierre decir.​—Jn 3:16; 15:13

El cuanto maga publisher ta le y ta medita con el lehida de Biblia durante el Comemoracion que puede incuntra na daily text. El otro ta le con el maga texto na Biblia que puede incuntra na chart. Mientras el otro, tan repaso maga articulo na El Torre de Guardia que ta discuti acerca na Comemoracion y na amor que ya demonstra kanaton si Jehova y si Jesus. Maskin cosa study project tu iscuji, ojala hay hace este mas cerca contigo con Jehova y con el de suyu Anak.