“Esta Alerto”
Maskin pa el istoria de Jesus acerca na diez virgen para na de suyu maga iscujido siguidores, el mensaje de este aplicable con todo maga Cristiano. (w15-E 3/15 12-16) “Poreso esta alerto, cay no sabe ustedes el dia o el hora.” (Mt 25:13) Puede ba tu explica con el istoria de Jesus?
-
Novio (v. 1)—Jesus
-
Ajuiciao y preparao virgen (v. 2)—Maga iscujido Cristiano quien preparao cumpli enbuenamente con el diila trabajo y lleva con el verdad hasta na fin (Fil 2:15)
-
El grito: “Taqui ya el novio!” (v. 6)—Evidencia del presencia de Jesus
-
Gendeh ajuiciao virgen (v. 8)—Maga iscujido Cristiano quien ya sale para hace encuentro con el Novio pero nuay esta alerto y nuay mentena diila integridad
-
El maga ajuiciao virgen nuay conforma dale diila aceite (v. 9)—Despues del ultimo sellada, gendeh mas puede ayuda el maga fiel iscujido con aquellos gendeh fiel
-
“Ya llega el novio” (v. 10)—Llega si Jesus para dale juzgamiento cerca na fin del grande tribulacion
-
El maga ajuiciao virgen ya entra na celebracion de casamiento junto con el novio y ya cerra con el puerta (v. 10)—Ajunta si Jesus con el maga fiel iscujido na cielo pero perde el premio de aquellos maga gendeh fiel