Na de suyu ministerio, ya usa si Jesus maga reciente suceso para enseña maga leccion. (Lc 13:1-5) Puede tambien tu usa maga reciente suceso para queda interesao el maga gente na mensaje del Reino. Puede tu menciona acerca na maga lingasa na financial, natural calamidad, gulu na comunidad, adiccion na droga o cosas que semejante con ese. Despues, usa un pregunta que puede kanila manda pensa, igual na: “Ta mira tu, llega pa gaha el tiempo que nuay mas . . . ?” o “Tiene pa gaha solucion para na . . . ?” Despues, dale un texto na Biblia que tiene coneccion na topico. Si ya dale mira interes el persona, introduci un video o publicacion na diaton Teaching Toolbox. Mientras ta pricura kita alcanza con el corazon del maga gente na diaton teritorio, ojala hace kita el ‘maga cosa-cosa por causa del Buen Noticia.’​—1Co 9:22, 23.

Cosa el maga topico que posible queda interesao el maga gente na de ustedes teritorio?