Mayo 6-12
SALMO 36-37
Cancion 87 y Rezo | Introduccion (1 min.)
1. “No Queda Consumido Por Causa na Maga Mal Gente”
(10 min.)
El maga mal gente ta causa kanaton maga problema y sufrimiento (Sal 36:1-4; w17.04-E 10 ¶4)
Peligroso tambien para kanaton si guarda kita agrabio na “maga mal gente” (Sal 37:1, 7, 8; w22.06 10 ¶10)
Si confia kita na maga promesa de Jehova, hay tene kita paz (Sal 37:10, 11; w22.08 11 ¶11)
PREGUNTA NA DE TUYU MISMO CUERPO, ‘Ta queda ba yo consumido por causa na maga maldad que ta dale mira na noticia?’
2. Espiritual Tesoro
(10 min.)
-
Sal 36:6—Cosa posible quierre decir del salmista cuando ya menciona le que el pagka-recto de Jehova igual na “maga alto monte”? (it-2-E 445)
-
Cosa espiritual tesoro tu ya puede incuntra na lehida de Biblia na este semana que ya aprecia tu?
3. Lehida
(4 min.) w19.01 12-13 ¶16-19 (th leccion 10)
4. Si Ta Principia Man Cuento
(3 min.) CASA EN CASA. (lmd leccion 1 punto 5)
5. Si Ta Visita Otravez
(4 min.) INFORMAL PREDICACION. Ofrece estudiada na Biblia con el un persona quien no quierre estudia de antes. (lmd leccion 9 punto 4)
6. Discurso
(5 min.) ijwbv-E 45—Tema: Cosa Quierre Decir del Salmo 37:4? (th leccion 13)
Cancion 33
7. Preparao Ba Tu Para na “Tiempo de Sufrimiento”?
(15 min.) Discusion.
El maga hermano y hermana na entero mundo ta sufri por causa na natural calamidad y maga tragedia que ya causa el maga gente. (Sal 9:9, 10) Maka-triste cay puede se sucede maskin cuando. Poreso, todo kita necesita queda preparao para enfrenta con ese.
Puera que prepara kita na fisical, a cosa pa puede ayuda kanaton para enfrenta maga calamidad?
-
Prepara con el pensamiento: Acorda que sucede gayot el maga calamidad y considera si cosa tu hace si sucede se. No pone bien grande importancia na maga material cosas. Este puede ayuda contigo para actua dayun, hace justo decision y hace prioridad con el de tuyu seguridad y vida contra na de tuyu maga riqueza. (Ge 19:16; Sal 36:9) Puede tambien este ayuda contigo queda realistico y gendeh queda sobra triste si ya perde el de tuyu maga material cosas por causa na calamidad.—Sal 37:19
-
Prepara con el espiritualidad: Hace fuerte con el de tuyu confianza na abilidad y deseo de Jehova para cuida contigo. (Sal 37:18) Antes sucede el un calamidad, pirmi acorda que hay guia y suporta si Jehova con el de suyu maga siervo maskin posible que ‘el diaton vida’ lang el puede preserva.—Jer 45:5; Sal 37:23, 24
Si confia kita con el maga promesa de Jehova, ta hace kita con ele el diaton “fortaleza na tiempo de problema.”—Sal 37:39.
Man play con el VIDEO Preparao Ba Tu Para na Calamidad? Despues, pregunta el siguiente:
-
Paquemodo puede ayuda si Jehova na tiempo de calamidad?
-
Cosa maga practical manera kita puede hace para prepara?
-
Paquemodo kita puede ayuda con aquellos quien ya sale afectao na calamidad?
8. Estudiada del Congregacion na Biblia
(30 min.) bt-E cap. 9 ¶8-16
Conclusion (3 min.) |
a Mira con el Awake! Num. 5 2017, pagina 4-6.
