Noviembre 18-24
SALMO 107-108
Cancion 7 y Rezo | Introduccion (1 min.)
1. “Rindi Gracias con Jehova cay Bueno Le”
(10 min.)
Igual si paquemodo ya libra si Jehova con el Israel na Babilonia, ya libra kanaton si Jehova na mundo de Satanas (Sal 107:1, 2; Col 1:13, 14)
El apresacion diaton con Jehova ta motiva kanaton para alaba con ele na congregacion (Sal 107:31, 32; w07-E 4/15 20 ¶2)
Mas queda grande el diaton apresacion si considera kita con el maga cosas que ya hace si Jehova para kanaton (Sal 107:43; w15-E 1/15 9 ¶4)
2. Espiritual Tesoro
(10 min.)
-
Sal 108:9—Paquemodo ya cumpli este texto acerca na Moab? (it-2-E 420 ¶4)
-
Cosa espiritual tesoro tu ya puede incuntra na lehida de Biblia na este semana que ya aprecia tu?
3. Lehida
(4 min.) w19.02 24-25 ¶22-26 (th leccion 5)
4. Si Ta Principia Man Cuento
(3 min.) INFORMAL PREDICACION. (lmd leccion 1 punto 4)
5. Si Ta Visita Otravez
(4 min.) INFORMAL PREDICACION. Menciona si paquemodo ta hace con el Bible study y dale con el persona un contact card de Bible study. (lmd leccion 9 punto 3)
6. Discurso
(5 min.) ijwyp-E 90—Tema: Paquemodo Yo Puede Evita que Pensa Negativo? (th leccion 14)
Cancion 46
7. Canta Kita Para Rindi Gracias con Jehova
(15 min.) Discusion.
Despues libra si Jehova con el maga Israelita na maga soldao de Egipto na Colorao Mar, el maga Israelita alegre ya canta un cancion acerca na cosa le ya hace. (Ex 15:1-19) El maga hombre el ya principia canta con este nuevo cancion. (Ex 15:21) Si Jesus y el maga Cristiano de antes ya canta tambien maga cancion para alaba con Dios. (Mt 26:30; Col 3:16) Ta continua kita expresa el diaton apresacion con Jehova por medio na cantada na maga miting, asemblea y convencion. Por ejemplo, considera con el cancion que nuevo lang kita ya canta, “We Thank You, Jehovah.” Ta canta ya con este cancion na diaton maga miting desde 1966.
Na cuanto lugar, el maga hombre posible ta tiene huya canta na publico. Posible el otro tan alang-alang canta cay ta sinti sila que gendeh bonito el diila voz. Pero, debe kita acorda que el cantada na diaton maga miting amo parte del diaton adoranza. El organizacion de Jehova ta hace gayot esfuerzo para hace maga bonito cancion y ta iscuji enbuenamente maga cancion para na cada miting. El cosa lang kita necesita hace amo que canta junto-junto para expresa el diaton amor y apresacion na diaton Tata na cielo.
Man play con el VIDEO El Diaton Historia y Progreso—El Regalo de Cancion, Part 2. Despues, pregunta el siguiente:
-
Cosa importante ocasion el ya sucede del 1944?
-
Paquemodo el maga hermano na Siberia ya demonstra el diila apresacion por medio na cantada de maga cancion del Reino?
-
Porque bien importante el cantada para na maga Testigo de Jehova?
8. Estudiada del Congregacion na Biblia
(30 min.) bt-E cap. 18 ¶6-15
