Un precioso regalo el vida. El manera si paquemodo kita ta usa con este cada dia ta dale mira si paquemodo de hondo el diaton apreciacion con este. Como maga Testigo de Jehova, ta pricura kita usa con el diaton talento y abilidad para honra y dale gloria con Jehova, el quien kanaton ya dale vida. (Sal 36:9; Re 4:11) Pero por causa na lingasa que ta sinti kita cada dia na este mal mundo, posible que gendeh mas una na diaton vida el maga espiritual cosas. (Mr 4:18, 19) Cada uno kanaton puede pregunta na diaton mismo cuerpo: ‘Ta dale ba gayot yo con Jehova el de mio de con todo buen servicio? (Os 14:2) Paquemodo ta afecta na de mio servicio con Jehova el de mio trabajo? Cosa el de mio maga espiritual goal? Paquemodo yo puede mas dale tiempo na de mio ministerio?’ Si ta mira tu que tiene tu maga cambio que necesita hace, reza con Jehova que ayuda contigo y hace con ese maga cambio. Asigurao que si alaba kita con Jehova cada dia, hay tiene gayot kita un alegre vida!​—Sal 61:8.

MIRA CON EL VIDEO USE YOUR TALENT FOR JEHOVAH Y DESPUES, CONTESTA CON EL SIGUIENTE PREGUNTA:

• Porque gendeh justo que usa kita diaton talento na mundo de Satanas? (1Jn 2:17)

• Cosa el maga bendicion de aquellos quien ta dale el diila de con todo buen servicio con Jehova?

• Onde yo puede man voluntario para puede usa con el de mio talento y abilidad?