VIDA DE CRISTIANO

Ayuda con el Maga Gendeh Religioso que Conoce con el Diila Creador

MAN PLAY

Tiene ba tiempo que yan alang-alang tu predica na un gendeh religioso persona cay ta pensa tu que baka gendeh le acepta con el de tuyu mensaje? Si ansina, acorda que manada del maga gendeh religioso—incluido el maga ateista—el ya queda Testigo de Jehova. Mas mucho, necesita lang sila que tiene quien ayuda kanila para examina con el evidencia que ta existi el Dios.—Ro 1:20; 10:14.

MIRA CON EL VIDEO ACORDA—AQUELLOS QUIEN NUAY FE PUEDE TENE FE!—MAGA GENDEH RELIGIOSO Y DESPUES, CONTESTA CON EL SIGUIENTE PREGUNTA:

Paquemodo el experiencia de Tommaso ya puede ayuda contigo para queda positivo si ta predica con el maga gendeh religioso gente?

De tuyu contestacion

Si paquemodo hace con este

Si ya habla el un persona que gendeh le ta creé na Dios, dale mira que interesao tu na cosa le ta pensa y ta sinti acerca na ese topico. (2Ti 2:24) Discuti maga topico que posible interesao le oi. Conforme ba le sabe con el maga evidencia si porque manada el ta creé que tiene Creador? Si ansina, usa maga publicacion y video que ya diseña para con ese proposito. Ya omenta con el brosyur Was Life Created? y The Origin of Life—Five Questions Worth Asking na diaton Teaching Toolbox para facil con ese incuntra.

Na primero, posible tu tene miedo discuti con el verdad na un persona que gendeh ta creé con Dios. Porque gendeh pidi ayuda con el un experienciao publisher? Acorda que puede tambien ayuda kanaton si Jehova para alcanza con el corazon del maga sincero persona—maskin pa del primero gendeh sila ta creé que ta existi le.—Act 13:48.

VIDA Y MINISTERIO WORKBOOK