Manada maga gente el tiene negativo opinion con aquellos na autoridad. Puede kita entende si porque. Manada maga gente el quien ta usa con el diila poder na gendeh justo manera para na diila mismo bien. (Miq 7:3) Alegre gayot kita cay yan train con el maga anciano na congregacion para usa con el diila autoridad para na bien del maga siervo de Jehova.—Est 10:3; Mt 20:25, 26.

Gendeh igual con aquellos na autoridad na este mundo, el maga anciano ta hace con el diila trabajo por causa na diila amor con Jehova y con el de suyu maga siervo. (Jn 21:16; 1Pe 5:​1-3) Bajo na direccion de Jesus, este maga pastor ta ayuda con el cada publisher para sinti que parte sila na familia de Jehova y para esta cerca con Ele. Preparao sila pirmi dale espiritual ayuda na maga carnero de Jehova y ayuda kanila si tiene medical emergencia o si ya queda sila afectao na un calamidad. Si necesita tu asistencia, no man alang-alang que atraca con el de ustedes maga anciano na congregacion—San 5:14.

MIRA CON EL VIDEO MAGA PASTOR QUIEN TA CUIDA CON EL MAGA CARNERO Y DESPUES, CONTESTA CON EL SIGUIENTE PREGUNTA:

• Paquemodo si Mariana ya beneficia na ayuda estaba na maga anciano?

  De tuyu contestacion

• Paquemodo si Elias ya beneficia na ayuda estaba na maga anciano?

  De tuyu contestacion

• Paquemodo este experiencia ya afecta con el de tuyu mirada na maga trabajo que ta hace el maga anciano?

  De tuyu contestacion