Septiembre 16-22
SALMO 85-87
Cancion 41 y Rezo | Introduccion (1 min.)
1. El Rezo Ta Ayuda Kanaton Para Aguanta
(10 min.)
Pidi con Jehova que ayuda contigo mentena el de tuyu alegria (Sal 86:4)
Pidi con Jehova que ayuda contigo esta fiel (Sal 86:11, 12; w23.05 7 ¶17-18)
Confia que hay contesta si Jehova con el de tuyu maga rezo (Sal 86:6, 7; w23.05 13 ¶17-18)
PREGUNTA NA DE TUYU MISMO CUERPO, ‘Mas pirmi ba yo ta reza y mas largo ba el de mio rezo si ta enfrenta problema?’—Sal 86:3.
2. Espiritual Tesoro
(10 min.)
-
Sal 86:11—Cosa kita puede aprende na rezo de David acerca na corazon del gente? (it-1-E 1058 ¶5)
-
Cosa espiritual tesoro tu ya puede incuntra na lehida de Biblia na este semana que ya aprecia tu?
3. Lehida
(4 min.) w19.02 11-13 ¶16-19 (th leccion 12)
4. Si Ta Principia Man Cuento
(3 min.) INFORMAL PREDICACION. Ofrece un estudiada de Biblia. (lmd leccion 3 punto 5)
5. Si Ta Visita Otravez
(4 min.) INFORMAL PREDICACION. Del ya pasa, ya menciona el persona que tan lingasa le acerca na un reciente suceso. Ofrece con ele un estudiada de Biblia. (lmd leccion 7 punto 4)
6. Si Ta Hace Maga Dicipulo
(5 min.) lff leccion 15 punto 5. Discuti con el estudiante si paquemodo le siempre puede man Bible study maskin nuay tu na sunod semana. (lmd leccion 10 punto 4)
Cancion 83
7. No Descanza
(5 min.) Discusion.
Man play con el VIDEO. Despues, pregunta el siguiente:
-
Porque posible tiene vez ta sinti kita que gendeh mas kita puede continua predica?
-
Porque gendeh kita debe descanza predica?
8. Continua Ofrece Estudiada de Biblia!
(10 min.) Discusion.
Ya puede ya ba tu principia un Bible study usando el brosyur Queda Alegre Hasta Para Cuando! na este mes de especial campaña? Si ansina, asigurao alegre tu! Sin duda, ya puede tambien anima con otro ese buen resulta. Pero si nuay pa tu puede principia un Bible study, posible ta pensa tu que baka yan sayang lang el de tuyu esfuerzo. Cosa tu puede hace si tan luya tu por causa con ese?
Man play con el VIDEO DRAMA Dale Mira que Ministro Kita del Dios Por Medio na Paciencia—Si Ta Predica. Despues, pregunta el siguiente:
-
Paquemodo puede ayuda kanaton el 2 Corinto 6:4, 6 si dol nuay resulta el diaton ministerio?
-
Cosa tu puede hace si ta sinti tu que dol nuay buen resulta el de tuyu maga esfuerzo para principia un Bible study?
Acorda, el diaton alegria gendeh ta depende si paquemodo de manada Bible study kita ya puede principia o conduci. Sino, alegre kita cay sabe kita que ta aprecia si Jehova con el diaton maga esfuerzo. (Lc 10:17-20) Poreso, continua participa con todo corazon na este especial campaña cay “hende en vano el maga cosas ta hace kita para con el Señor”!—1Co 15:58, El Nuevo Testamento.
9. Estudiada del Congregacion na Biblia
(30 min.) bt-E cap. 15 ¶13-14, cajon na p. 121
