“Ay limpia [el Dios] el lagrimas na diila maga ojos y nunca mas ay tene muerte, ni dolor, ni tristeza, cay el mundo de antes ya acaba ya.”​—Revelacion 21:4, El Nuevo Testamento na Chavacano.

Hay tiene tu buen trabajo.​—Isaias 65:21-23.

Nuay mas enfermedad y sufrimiento.​—Isaias 25:8; 33:24.

Obtene tu vida eterna con alegria junto na de tuyu familia y maga amigo.​—Salmo 37:11, 29.

Si, por causa na dos razon:

• El Dios tiene poder para cumpli su promesa. Na Biblia, con Jehova lang ta llama “todopoderoso” cay nuay limitacion el su poder. (Revelacion 15:3) Poreso, puede gayot le cumpli su promesa que cambia con el condicion de este mundo. Como cosa el Biblia ta habla, “para con el Dios, todo maga cosa-cosa posible.”​—Mateo 19:26.

• Tiene deseo el Dios para cumpli el su promesa. Por ejemplo, si Jehova con ansias hace vivi otravez con el maga muerto.​—Job 14:14, 15.

  El Biblia ta dale mira que el Anak del Dios, si Jesus, ya curá con el maga enfermo. Porque se ele ya hace? Cay amo se el cosa le quierre. (Marcos 1:40, 41) Igual con su Tata, si Jesus quierre tambien ayudá con aquellos quien ta necesitá ayuda.​—Juan 14:9.

  Poreso, puede kita asigura que quierre si Jehova y si Jesus ayudá kanaton tiene buen futuro!​—Salmo 72:12-14; 145:16; 2 Pedro 3:9.