“El maga gente . . . ay resucita.”​—Maga Actividad 24:15, El Nuevo Testamento na Chavacano.

Gendeh queda por demas el de tuyu miedo na muerte.​—Maga Hebreo 2:15.

Obtene tu comforta si tiene quien ya muri.​—Roma 15:4.

Hay tiene tu esperanza man junto otravez kanila.​—Juan 5:28, 29.

Si, por causa na tres razon:

• El Dios amo el Creador del vida. El Biblia ta habla que si Dios Jehova “ta dale el vida y el resuello y todo maga cosa-cosa con todo.” (Maga Actividad 17:24, 25) Ciendo ele man el quien ya dale vida con todo, puede gayot tambien le hace vivi otravez con el maga muerto.

• Tiene ya maga gente que ya hace vivi otravez el Dios. Tiene ocho maga ejemplo que puede le na Biblia​—bata, de vejez, hombre y mujer​—con quien ya hace vivi otravez aqui na tierra. El otro nuevo lang ya muri cuando ya resucita, pero el uno kanila muerto ya por cuatro dia.​—Juan 11:39-44.

• Bien quierre el Dios hace se otravez. No quierre si Jehova con el muerte y un enemigo este para con ele. (1 Corinto 15:26) Por medio del resureccion, decidido si Jehova hace perde con este enemigo. Con ansias ya gayot le hace vivi con aquellos quien talli na de suyu memoria y mira kanila otravez aqui na tierra.​—Job 14:14, 15.