Quien el Deverasan ta Controla con el Mundo?

MAN PLAY

Hay habla ba tu . . .

el Dios?
maga gente?
o tiene pa otro?

SI COSA EL BIBLIA TA HABLA

“El entero mundo talli na poder del demonio.”—1 San Juan 5:19.

“El Anak del Dios ya aparece amo para destroza el maga trabajo del demonio.”—1 San Juan 3:8, El Nuevo Testamento na Chavacano.

COSA EL BENEFICIO DE ESTE CONTIGO?

Puede tu entende si porque bien mucho problema el mundo ahora.—Revelacion 12:12.

Tiene tu razon para creé que el condicion del mundo hay queda enbuenamente.—1 San Juan 2:17.

DEBE BA KITA CREÉ SI COSA EL BIBLIA TA HABLA?

Si, por causa na tres razon:

El rulanza de Satanas cerca ya termina. Decidido si Jehova termina con el rulanza de Satanas na maga gente. Ele ya promete que ‘quita el poder del Demonio’ y el destrozo que ya causá si Satanas.—Maga Hebreo 2:14.
El Dios ya iscuji con Jesucristo para rula con el mundo. Si Jesus gendeh igual con el quien ta rula con el mundo ahora que nuay lastima. Acerca na rulanza de Jesus, el Dios ya promete: “Ele hay tiene lastima con el maga humilde y maga pobre. . . Hay salva le kanila desde na mal tratamiento y na violencia.”—Salmo 72:13, 14, New World Translation.
El Dios gendeh imbustero. El Biblia ta habla: “No puede man el Dios habla imbusterias.” (Maga Hebreo 6:18) Si ta promete si Jehova, asigurao hay cumpli le! (Isaias 55:10, 11) “El Dios de Paz ay machaca con Satanas.”—Roma 16:20.

PENSA TU ESTE

Cosa el condicion del mundo si nuay mas ya el quien ta rula?

El Biblia ta contesta con ese pregunta na SALMO 37:10, 11 y REVELACION 21:3, 4.

Baka Gusta Tambien Tu

ESSENTIAL BIBLE TEACHINGS

Porque Ta Permiti el Dios con el Sufrimiento?

Manada el ta pregunta si porque el mundo lleno de rabia y sufrimiento. El Biblia ta dale contestacion acerca con ese pregunta que puede kanaton dale comforta.