“Ay limpia [el Dios] el lagrimas na diila maga ojos y nunca mas ay tene muerte, ni dolor, ni tristeza.”​—Revelacion 21:4, El Nuevo Testamento na Chavacano.

Puede tu asigura que gendeh el Dios el causa del diaton maga problema.​—Santiago 1:13.

Hay tiene tu comforta cay sabe tu que ta sinti duele el Dios si kita ta sufri.​—Zacarías 2:8.

Puede tu esperanzá que hay tiene fin el sufrimiento.​—Salmo 37:9-11.

Si, por causa na dos razon:

• No quierre el Dios con el sufrimiento y injusticia. Notá si cosa ya sinti si Jehova cuando ya maltrata con su maga siervo de antes. Asegun na Biblia, ele ya sinti duele por causa “con aquellos quien ta maltrata kanila.”​—Maga Juez 2:18, New World Translation.

  El Dios no quierre gayot con aquellos quien ta hace sinti duele con otro. Por ejemplo, el Biblia ta habla que ta odia le con aquellos quien “ta mata maga inocente.”​—Maga Proverbio 6:16, 17.

• Importante kita para con Dios. Quierre si Jehova que deja kita el diaton maga lingasa con ele “cay Ele ta cuida” kanaton.​—1 Pedro 5:7.

  Por medio na su Reino, cerca ya termina si Jehova con el sufrimiento del cada individuál. (Mateo 6:9, 10) Mientras tanto, ta dale le comforta con aquellos quien sincero ta busca con ele.​—Maga Actividad 17:27; 2 Corinto 1:3, 4.