Antes del estudiada

1. 1. Prepara enbuenamente. Mientras ta hace tu con ese, pensa con el necesidad, situacion y creencia del de tuyu estudiante. Pensa con el maga punto que posible man dificil ele entende o aplica. Considera si paquemodo el material na seccion “Sabe Pa Mas” puede ayuda con el de tuyu estudiante y si necesita, usa con ese durante el estudiada.

Durante el estudiada

1. 2. Reza antes y despues del estudiada, si conforma el de tuyu estudiante.

2. 3. No sobra man cuento. Man focus na material que ta discuti y deja con el estudiante que habla si cosa le ta sinti.

3. 4. Si ta principia un nuevo seccion, le con el “Si Cosa Tu Puede Aprende” para na ese seccion y menciona con el cuanto titulo del leccion.

4. 5. Si ya acaba ya el un seccion, usa con el repaso para na ese seccion para ayuda con el de tuyu estudiante que acorda con el maga verdad que ya aprende le.

5.  6. Mientras ta estudia tu con el cada leccion junto con el de tuyu estudiante:

   1. Le con el maga parapo na primer parte.

   2. Le con el todo texto que ya marca “Le con el.”

   3. Le con el otro texto que ya cita si necesita.

   4. Man play con el todo video que ya marca “Man play con el” (si posible este para contigo).

   5. Pregunta con el estudiante el cada pregunta.

   6. Habla con el de tuyu estudiante que mira con el maga letrato na seccion “Aprende Pa Mas” y pidi con ele que man comento acerca con ese.

   7. Usa con el cajon “Pruba Hace Este” para ayuda con el de tuyu estudiante mira si cosa progreso ya le ya puede hace. Puede tu anima con ele que hace el goal que ya menciona, pricura alcanza otro goal o hace con ese dos.

   8. Pregunta con el de tuyu estudiante si tiene ba un particular articulo o video que ya gusta le na seccion “Sabe Pa Mas” cuando ya prepara le con el leccion.

   9. Pricura hace acaba con el un leccion na cada estudiada.

Despues del estudiada

1. 7. Continua pensa con el de tuyu estudiante. Reza con Jehova que bendici con el progreso del de tuyu estudiante y dale contigo el sabeduria para sabe si paquemodo tu puede ayuda con ele.