Maga Amable Hermano y Hermana:

El amor con Dios y na maga gente ta motiva kanaton que “anda . . . y hace maga dicipulo con todo el maga gente . . . bautiza canila.” (Mat. 28:19, 20; Mar. 12:​28-31) Si tiene kita ese clase de amor para na maga gente, puede kita ayuda “con aquellos quien ta busca” con Dios.​—Heb. 11:6.

De antes, tan memorize kita maga presentacion y ta deja literatura na maga gente. Ahora, necesita kita hace esfuerzo para queda mas efectivo si tan cuento kanila. Para dale mira el diaton amor con otro, quierre kita man cuento acerca na maga topico que interesao sila. Este quierre decir que necesita kita queda preparao man adjust y considera enbuenamente con el maga lingasa y interes del cada persona. Paquemodo este brosyur puede ayuda kanaton que hace se?

Este brosyur tiene 12 leccion que puede enseña kanaton maga calidad que necesita kita para puede dale mira amor y hace maga dicipulo. El cada leccion amo base na istoria na Biblia que tan focus na un calidad que ya dale mira na ministerio si Jesus o el maga Cristiano del primer siglo. Gendeh goal diaton que man memorize maga presentacion sino para busca maga manera para demonstra diaton amor na maga gente. Necesita kita con el cada calidad na todo aspeto del diaton ministerio. Pero hay considera kita si porque necesita gayot con el un especifico calidad si ta principia man cuento, si ta visita otravez o si ta conduci maga Bible study.

Mientras ta considera con el cada leccion, pensa enbuenamente si paquemodo ustedes puede demonstra con el calidad si tan cuento con el maga gente na de ustedes lugar. Hace esfuerzo que hace hondo el de ustedes amor con Jehova y na maga gente. Si compara na maskin cosa manera de enseñada, ese amor mas puede ayuda con ustedes para hace maga dicipulo.

Ta aprecia kame con el grande privilegio que sirvi junto con ustedes con unidad. (Sof. 3:9) Ojala bendici gayot con ustedes si Jehova mientras ta continua ustedes ama con todo y hace dicipulo!