Si Cosa Ya Hace si Jesus

Cosa Kita Puede Aprende con Jesus?

2. Necesita kita dale mira amor pero queda tambien franca na diaton maga estudiante para ayuda kanila progresa na espiritual.

 Imita con Jesus

3. Ayuda con el de tuyu estudiante que hace y alcanza maga goal.

1.    Usa con el “Pruba Hace Este” na cada leccion del Queda Alegre Hasta Para Cuando!

2.   Ayuda con el de tuyu estudiante que entende si cosa le necesita hace para alcanza con el de suyu maga goal—aquel puede le alcanza na corto tiempo y aquel na mas largo tiempo.

3.   Regular comenda con el estudiante na maga progreso que ta hace le.

4. Necesita tu sabe si cosa ta sangga con el de tuyu estudiante para progresa y ayuda con ele para enfrenta con ese.

1.    Pregunta na de tuyu mismo cuerpo:

   • ‘Si gendeh ta progresa el de mio estudiante para na bautismo, cosa ta sangga con ele?’

   • ‘Cosa practical ayuda yo puede dale con ele?’

2.   Reza para tene tu coraje que discuti na franca y na amable manera si cosa necesita hace el de tuyu estudiante.

5. Descanza man Bible study na maga estudiante que gendeh ta progresa.

1.    Determina si ta progresa ba el de tuyu estudiante. Pregunta na de tuyu mismo cuerpo:

   • ‘Ta aplica ba el de mio estudiante con el cosa le ta aprende?’

   • ‘Ta atende ba le na maga miting na congregacion y ta habla con otro acerca na verdad?’

   • ‘Si ta estudia ya le por largo tiempo, quierre ba le queda uno del maga Testigo de Jehova?’

2.   Si gendeh ta progresa el un estudiante:

   • Pidi con ele que pensa si cosa posible ta sangga con ele.

   • Explica na amable manera si porque tu descanza man Bible study con ele.

   • Manda sabe con ele si cosa le necesita hace antes le puede man Bible study otravez.