SI TA PRINCIPIA MAN CUENTO
LECCION 2
Pagka-natural
Principio: “El palabra que ya habla na justo tiempo, que bien bonito!”—Prov. 15:23.
Si Cosa Ya Hace si Felipe
1. Mira con el VIDEO o le con el Maga Actividad 8:30, 31. Despues, considera con el siguiente pregunta:
Cosa Kita Puede Aprende con Felipe?
2. Si natural lang kita tan cuento con el un persona, posible que sinti le comfortable man cuento kanaton y mas hay quierre le oi con el diaton mensaje.
Imita con Felipe
3. Observa. El expresion na cara y movimiento del un persona ta revela manada cosas acerca con ele. Quierre ba man cuento contigo el persona? Puede tu introduci un verdad na Biblia si pregunta tu, “Sabe ba tu que . . . ?” No forza man cuento con el un persona quien no quierre man cuento contigo.
4. Queda paciencioso. No pensa que necesita dayun tu man cuento acerca na Biblia. Espera el justo tiempo para natural tu puede hace con ese. Tiene vez, na otro tiempo pa tu puede man cuento acerca na Biblia con el persona.
5. Man adjust. Posible que principia man cuento el un persona acerca na un cosa que gendeh tu ta expecta. Poreso, asigura que tiene tu cosa puede man share estaba na Biblia que relatao na de suyu topico, maskin pa diferente el cosa tu hay discuti na cosa tu ya prepara.
