SI TA PRINCIPIA MAN CUENTO
LECCION 3
Pagka-bueno
Principio: “El amor . . . bueno.”—1 Cor. 13:4, NWT.
Si Cosa Ya Hace si Jesus
1. Mira con el VIDEO o le con el Juan 9:1-7. Despues, considera con el siguiente pregunta:
-
Cosa una ya hace si Jesus—ya cura con el bulak o ya predica con ele?—Mira con el Juan 9:35-38.
-
Porque el manera de Jesus posible ya manda move con el hombre para queda interesao na buen noticia?
Cosa Kita Puede Aprende con Jesus?
2. Posible que mas oi kanaton el un persona si sinti le que tiene kita personal interes con ele.
Imita con Jesus
3. Dale mira empatia con el persona. Pruba imagina si cosa le ta sinti.
-
Pregunta na de tuyu mismo cuerpo: ‘Cosa le posible tan lingasa? Na cosa gaha le interesao? Cosa puede ayuda con ele?’ Si hace tu se, puede se ayuda contigo para dale mira pagka-bueno na natural y sincero manera.
-
Oi con ele. Si hace tu se, ta dale tu mira que interesao tu na cosa que importante con ele. Si habla le contigo si cosa le ta sinti acerca na un cosa o menciona un problema que ta enfrenta le, no cambia istoria.
4. Converza con respeto y na buen manera. Si tiene tu compasion para na un persona y quierre gayot ayuda con ele, claro se puede nota na de tuyu converzada. Con cuidao na cosa tu habla y si paquemodo tu habla con ese. Evita habla maga cosas que puede hace sinti duele con ele.
5. Ayuda con ele. Busca maga oportunidad para ayuda con el persona na practical manera. Si bueno tu con ele, tiene posibilidad que man cuento le contigo.
