SI TA VISITA OTRAVEZ
LECCION 8
Paciencia
Principio: “El amor paciencioso.”—1 Cor. 13:4.
Si Cosa Ya Hace si Jesus
1. Mira con el VIDEO o le con el Juan 7:3-5 y 1 Corinto 15:3, 4, 7. Despues, considera con el siguiente pregunta:
Cosa Kita Puede Aprende con Jesus?
2. Necesita kita queda paciencioso cay el cuanto gente mas ta dura acepta con el buen noticia contra con otro.
Imita con Jesus
3. Pruba diferente manera. Si el persona no quierre man Bible study, no forza con ele. Si posible, usa maga video o articulo para ayuda con ele entende si paquemodo ta hace con el un Bible study y si paquemodo le beneficia con ese.
4. No compara. Diferente el cada persona. Si el un miembro na familia o con quien kita ya visita otravez tan alang-alang estudia con el Biblia o acepta con el un enseñanza na Biblia, considera si cosa posible el de suyu razon. Tiene ba un creencia que bien importante con ele? Tan pressure ba con ele el de suyu maga pariente o vecinos? Dale con ele tiempo para pensa acerca na cosa tu ya habla y para aprecia si cosa ta habla el Biblia.
5. Reza para na maga interesao persona. Pidi con Jehova que ayuda contigo esta positivo y respetoso. Reza con Jehova que ayuda contigo sabe si cuando descanza visita con el un persona quien nuay interes.—1 Cor. 9:26.
