SI TA VISITA OTRAVEZ
LECCION 9
Empatia
Principio: “Alegra [o queda alegre] junto con aquellos quien ta alegra y llora junto con aquellos quien ta llora.”—Roma 12:15.
Si Cosa Ya Hace si Jesus
1. Mira con el VIDEO o le con el Marcos 6:30-34. Despues, considera con el siguiente pregunta:
Cosa Kita Puede Aprende con Jesus?
2. El empatia puede manda move kanaton para ayuda con el maga gente y gendeh lang predica kanila.
Imita con Jesus
3. Oi enbuenamente. Permiti con el persona que habla si cosa le ta pensa. No man sabat o ignora con el de suyu sentido, lingasa o si yan contra le con el cosa tu ya habla. Si oi tu enbuenamente con ele, ta dale tu mira que interesao tu na cosa le ta pensa.
4. Pensa con el interesao persona. Base na cosa ustedes yan cuento, pregunta na de tuyu mismo cuerpo:
-
‘Si estudia le con el Biblia, paquemodo este puede hace mas enbuenamente con el de suyu vida y futuro?’
5. Man cuento acerca na maga cosas que puede ayuda con ele. Si posible, demonstra dayun si paquemodo el estudiada del Biblia puede contesta con el de suyu maga pregunta y puede ayuda con ele na practical manera.
