Maga blood fraction. Estaba se na cuatro maga importante parte del sangre​—colorao celula, blanco celula, platelet y plasma. Por ejemplo, el colorao celula ta contene hemoglobin. El maga producto que ya hace usando el hemoglobin de gente o de animal, ta usa para cura con el maga paciente que bien anemic o ya sale manada sangre.

El plasma​—agua el 90 por ciento de este​—tiene manada hormone, inorganic salt, enzyme, y nutrient, incluido maga mineral y azucar. Tiene tambien este maga elemento que ta ayuda para queda entero el sangre, maga antibody para resisti maga enfermedad y maga protina igual con el albumin. Si tiene quien ya queda contaminao na un clase de enfermedad, el maga doctor posible receta injection de gamma globin que ya saca na plasma del sangre del maga gente quien immune ya na ese enfermedad. Puede tambien saca interferons y interleukins na maga blanco celula del sangre que amo ta usa para cura cuanto maga infeccion y cancer.

El maga Cristiano ba debe acepta cura que ta usa maga blood fraction? Nuay dale especifico detalle el Biblia acerca con ese, poreso cada uno necesita hace decicion asegun na diila conciencia. No quierre acepta el cuanto con el todo maga blood fraction. Tan razon sila que asegun na Ley del Dios na Israel, el  sangre que ya sale na un creatura debe hace derama “na tierra.” (Deuteronomio 12:22-24) El otro, maskin pa no quierre manda abona puro sangre o el cuatro importante parte de este, posible acepta cura que envuelto el usada del blood fraction. Baka man razon sila que gendeh mas se ta representa con el vida del un creatura.

Si ta hace maga decicion acerca na maga blood fraction, considera con el siguiente pregunta: Sabe ba yo que si gendeh yo acepta todo blood fraction quierre decir que gendeh yo acepta cuanto maga medicina incluido maga producto estaba na sangre que ta usa para resisti maga enfermedad o puede ayuda para descanza sale sangre? Puede ba yo explica con el doctor si porque yo no quierre o ta acepta con el usada del uno o mas pa maga blood fraction?

Maga manera de operacion. Si necesita operacion, tiene diferente manera el maga doctor para gendeh sobra el sangre que perde. Posible omenta sila liquido na sangre (hemodilution). Pone sila na bag el sangre del paciente y omenta liquido con el sangre que ya queda na cuerpo para omenta este. Durante o na fin del operacion, el sangre na bag hace otravez bira na cuerpo. Na cell salvage, ta saca con el sangre que ya sale durante el operacion, ta limpia o ta hace sala con este y despues ta pone otravez na paciente. Ciendo otro-otro el manera si paquemodo el maga doctor ta usa con este maga clase de operacion, el un Cristiano debe sabe si cosa hace el de suyu doctor.

Si ta hace maga decicion acerca con este maga manera de  operacion, pregunta na de tuyu mismo cuerpo: ‘Si tiene sangre que ya hace sale na de mio cuerpo y posible descanza unrato el corrida de este, permiti ba el de mio conciencia que mira con este como parte siempre del de mio cuerpo que gendeh debe hace derama “na tierra”? (Deuteronomio 12:23, 24) Aceptable ba na de mio conciencia si saca conmigo sangre durante el operacion, mezcla con este medicina y despues hace bira na de mio cuerpo? Sabe ba yo que si gendeh yo acepta todo manera  de operacion que envuelto el usada del de mio mismo sangre quierre decir que gendeh yo acepta blood test, hemodialysis o el usada del heart-lung bypass machine?’

El un Cristiano debe personal hace decicion si cosa hace con el de suyu sangre durante el operacion. Aplicable tambien este na maga medical test y maga presente cura que donde ta saca umpoco sangre de paciente que posible mezcla con este medicina y despues pone otravez na cuerpo.