El Dios quierre que el maga gente hay vivi con alegria aqui na tierra. Ele ya crea con el mundo y el todo las cosas cay ele ta ama con el maga gente. El Dios cerca ya actua para dale buen futuro con el maga viviente. Ele hay quita el todo causa del sufrimiento aqui na tierra.​—Le con el Jeremias 29:11.

Nuay gobierno de gente el quien ya puede quita con el violencia, enfermedad y muerte. Pero tiene buen noticia. Gendeh mas dura, el gobierno del Dios amo hay cambia con el todo gobierno del gente aqui na tierra. El maga gente hay vivi con paz y buen salud.​—Le con el Revelacion 11:15; 21:3, 4.

El sufrimiento hay termina lang si el Dios hay destroza ya con el maga mal gente. (Sofonias 2:3) Cuando este sucede? El Palabra del Dios ya predicta con el maga situacion ahora que ta pone na peligro con el vida del maga gente. El maga mal suceso ahora ta indica que cerca ya actua el Dios.​—Le con el 2 Timoteo 3:1-5.

Debe kita aprende acerca con el Dios por medio na su Palabra, el Biblia. Este igual un carta para kanaton estaba con el un amable tata. Este ta enseña kanaton si paquemodo vivi na buen manera ahora y si paquemodo obtene vida hasta para cuando na futuro aqui na tierra. Posible, no quierre el otro que tiene quien ta ayuda contigo aprende con el Biblia. Pero si tu hay descansa, sayang el oportunidad para obtene tu el buen futuro.​—Le con el Mateo 5:10-12; Revelacion 14:6, 7.