Un religión lang el ya enseña si Jesus na su maga siguidores, el verdadero religión. Igual este un camino para na vida eterna. Asegun con ele: “Poco lang maga gente ta encontra” con este camino. (Mateo 7:14) El adoranza que yan basé na Biblia amo lang el aceptablé con Dios. Todo maga verdadero Cristiano unido na un fe.​—Le con el Juan 4:23, 24; 14:6; Efeso 4:4, 5.

Si Jesus ya dale aviso que el maga falso profeta hay hace entra maga falso enseñanza na Cristianidad. Si mira kanila dol maga verdadero Cristiano sila. Ta habla sila que Cristiano el diila religión. Pero puede tu conocé si cosa clase gayot sila de gente. Paquemodo? El verdadero religión lang el ta produci deverasan Cristiano y puede tu kanila conocé por medio na diila calidad y manera de vida.​—Le con el Mateo 7:13-23.

Considera con este cinco señal:

• El maga verdadero Cristiano ta respeta con el Biblia como el Palabra del Dios. Ta pricura sila vivi asegun na cosa este ta enseña. Poreso, el verdadero religión otro na maga religión que basé lang na ideá del gente. (Mateo 15:7-9) El maga verdadero Cristiano ta aplica el cosa sila ta predica.​—Le con el Juan 17:17; 2 Timoteo 3:16, 17.

•   El deverasan siguidores de Jesus ta honra con el nombre del Dios—Jehova. Si Jesus ya honra con el nombre del Dios. Paquemodo? Ya manda le conocé con el nombre del Dios na maga gente, ya ayuda kanila aprende acerca con su Tata y ya enseña kanila reza que dale gloria con el nombre del Dios. (Mateo 6:9) Na de ustedes lugar, cosa religión el ta manda conocé con el nombre del Dios?​—Le con el Juan 17:26; Roma 10:13, 14 New World Translation.

• El maga verdadero Cristiano ta predica acerca el Reino del Dios. Ya imbia el Dios con Jesus para predica el buen noticia acerca del Reino. El Reino del Dios amo el solamente esperanza del maga gente. Si Jesus ya continua predica acerca con ese hasta na dia del su muerte. (Lucas 4:43; 8:1; 23:42, 43) Ya habla le que ese tambien el tema del predicacion del de suyu maga siguidores. Si tiene quien converza contigo acerca con el Reino del Dios, cosa kahah el de suyu religión?​—Le con el Mateo 24:14.

• El maga siguidores de Jesus gendeh parte de este mal sistema del mundo. Sila gendeh ta participa na politica o ta entra mete na pelea del comunidad. (Juan 17:16; 18:36) Gendeh tambien sila ta copiá con el mal practica y custumbre del mundo.​—Le con el Santiago 4:4.

• El maga verdadero Cristiano tiene grande amor para na uno y otro. Ya puede sila aprende na Biblia que respeta con todo gente maskin cosa el raza. Gendeh igual con el falso religión que pirmi ta suporta na maga guerra, el maga verdadero Cristiano nunca gayot participa. (Miqueas 4:1-3) En vez, ta usa sila el diila tiempo, sen y fuerza para ayuda y anima con otro.​—Le con el Juan 13:34, 35; 1 San Juan 4:20.

Cosa religión tan basé el diila todo enseñanza na Biblia, ta honra con el nombre del Dios y ta predica que el Reino del Dios amo el solamente esperanza del maga gente? Cosa religión el ta demonstra amor y ta desaleja na guerra? Para contigo?​—Le con el 1 San Juan 3:10-12.