LECCION 8
Si Josias Tiene Maga Buen Amigo
Facil ba hace si cosa el bueno?— Manada ta pensa que gendeh se facil hace. Na Biblia, tiene tambien un bata quien ya sinti igual ansina. Josias el de suyu nombre. Pero tiene le maga buen amigo quien ya ayudá con ele. Hay conocé kita mas con Josias y con el de suyu maga amigo.
Anak si Josias de Amon, el rey del Juda. Bien mal clase si Amon y ta adora le maga dios-dios. Cuando ya muri le, si Josias ya el ya queda rey del Juda. Pero ocho año lang le! Igual gahah le con ele de suyu tata?— Gendeh gayot!
Ya habla si Sofonias con el maga gente que no adora maga dios-dios
Maskin bata pa si Josias, quierre ya le hace si cosa ta manda si Jehova. Poreso, ya iscuji le maga amigo aquel quien ta ama con Jehova. Y ya ayudá sila con ele hace si cosa el bueno. Quien el cuanto del maga amigo de Josias?
Uno kanila amo si Sofonias. Un profeta le quien ya habla con el maga gente na Juda que tiene kanila cosa pasa malo
si adora sila maga dios-dios. Ya creé si Josias con Sofonias. Ya adora le con Jehova y gendeh na maga dios-dios.Amigo tambien de Josias si Jeremias. Diutay lang el diferencia na diila edad y cerca lang sila ta queda na uno’y otro. Yan ayudahan sila para hace si cosa el bueno y si cosa ya manda si Jehova. Man amigo gayot sila cay cuando ya muri si Josias, ya escribi si Jeremias un especial cancion acerca con Josias.
Yan ayudahan si Josias y Jeremias para hace si cosa el bueno
Cosa tu ya puede aprende na istoria de Josias?— Maskin bata pa lang si Josias, quierre ya le hace si cosa el bueno. Ya iscuji tambien le maga amigo quien ta ama con Jehova. Poreso, necesita tambien tu iscuji maga amigo y amiga quien ta ama con Jehova y puede ayudá contigo hace si cosa el bueno!
LE NA DE TUYU BIBLIA
-
2 Cronicas 33:21-25; 34:1, 2; 35:25