Sabe ba tu si cosa Reino este?— Este el Reino del Dios. Hay hace este paraiso con el entero mundo. Quierre ba tu sabé mas acerca con este Reino?—

Tiene rey el cada reino y ta rula le con todo maga gente na de suyu nacion. Sabe ba tu si quien el rey na Reino del Dios?— Si Jesucristo. Ta queda le na cielo. Gendeh mas dura, hay rula le con todo maga gente na tierra! Queda gahah kita alegre si rula ya si Jesus como un Rey na entero mundo?—

Hay queda gayot kita bien alegre! Na Paraiso, nuay mas ya quien man peleahan y nuay mas guerra. El maga gente hay ama con uno’y otro. Nuay mas ya quien enferma y muri. Puede ya mira el maga bulak, oi ya maga bungul y puede ya corre y brinca el maga piang. Manada ya comida. Gendeh mas man peleahan el maga animál y puede ya kita kanila huga. El maga gente ya muri hay vivi otravez. Manada maga gente de antes que ya conocé tu na este brosyur igual con Rebeca, Rahab, David y Elias  hay vivi otravez! Quierre ba tu mira kanila na Paraiso?—

Ta ama si Jehova contigo y quierre le queda tu alegre. Si hay continua tu conocé y queda obediente con Jehova, hay vivi tu hasta para cuando na un bien bonito paraiso! Quierre ba tu?—