Prepara enbuenamente. Estudia enbuenamente con el material hasta puede tu entende si cosa el maga importante punto y si paquemodo ta dale mira el Biblia que deverasan se. Pricura habla con el maga importante punto del de tuyu presentacion usando maga simple palabra. Concentra si paquemodo este puede ayuda con aquellos ta oi contigo. Reza que dale contigo sagrao espiritu.

Usa maga palabra que ta dale mira que convincido tu. En vez de repiti el mismo maga palabra na publicacion, usa de tuyu mismo palabra. Iscuji maga palabra que ta dale mira que asigurao tu na cosa tu ta habla.

Converza na manera que ta dale mira que convincido tu. Converza con bastante sonor del voz. Si aceptable na de ustedes lugar, mira na ojos del persona con quien tu tan cuento.