Usa maga justo informacion. Man base el de tuyu maga comento na Palabra del Dios y le directa estaba alli si posible. Si usa tu informacion acerca na ciencia, noticia, experiencia o otro pa, asigura adelantao si justo ba se o gendeh.

Usa con el maga referencia na justo manera. Explica con el texto harmonia na contexto de este, na mensaje del Biblia y na publicacion estaba na “fiel y sabio esclavo.” (Mat. 24:45, NW) Si usa tu otro referencia, asigura que nuay tu cambia el mensaje de ese.

Ayuda con el quien ta oi contigo que entende con el informacion. Despues le texto o discuti un informacion, pregunta con el quien ta oi contigo o hace claro con el punto para ayuda kanila tiene el diila mismo conclusion.