Carta Estaba na Cuerpo Gobernante
‘Puede ustedes enseña con otro.’ (Heb. 5:12, El Nuevo Testamento) Imagina, si Jehova—el de con todo buen Maestro na universo—ta invita kanaton que enseña con otro acerca con ele! El maskin cosa assignment para enseña el verdad acerca con Jehova—adentro na familia, na congregacion o na ministerio—amo un grande privilegio y un pesao responsibilidad. Paquemodo kita puede hace con ese?
Puede kita sabe el contestacion na cosa ya escribi si apostol Pablo con Timoteo: “Usa el tiempo na maga lectura, maga sermon y maga insiñanza con el maga gente.” Y ya habla pa le: “Hace firmi ansina y ay salva tu mismo y aquellos quien ta oi contigo.” (1 Tim. 4:13, 16) Tiene tu ta lleva mensaje que puede salva con el maga gente. Poreso bien importante que hace esfuerzo para progresa na de tuyu lehida y enseñada. Este brosyur puede ayuda contigo hace se. Considera si cosa puede mira adentro de de este.
Un texto na cada pagina que ta dale mira un principio na Biblia acerca con el leccion o un ejemplo si paquemodo ya aplica con el leccion
Si Jehova el “Grande Instructor.” (Isa. 30:20) Maskin pa puede ayuda este brosyur para progresa de tuyu abilidad le y enseña, no ulvida que con Jehova estaba el diaton mensaje y ele el quien ta hace manera para queda cerca con ele el maga gente. (Juan 6:44) Poreso, pirmi reza que dale contigo sagrao espiritu. Pirmi usa con el Palabra del Dios. No enseña el de tuyu mismo idea sino pirmi ayuda con otro que mira si cosa si Jehova ta sinti y ta pensa acerca na un cosa. Pricura ayuda con aquellos quien ta oi contigo que tiene hondo amor para con ele.
Ya invita contigo que enseña el de con todo importante mensaje para na maga gente. Tiene kame confianza que mientras ta depende tu na “fuerza que el Dios ya dale,” hay puede tu se cumpli.—1 Ped. 4:11.
De ustedes maga uban maestro,
Cuerpo Gobernante del Maga Testigo de Jehova
