Si Adan y si Eva ya tene maga anak, y ya queda mucho el gente na mundo. Ya pasa el tiempo, el otro maga angel ya sigui na rebelion de Satanas.x

Sila ya abaja na tierra y ya usa cuerpo igual de gente para puede sila casá maga mujer. El maga mujer ya tene maga anak que mas violente y mafuerza compara na ordinaryo maga gente.

El mundo ya llena de maga gente que ta hace mal cosas. El Biblia ya habla que “el maldad del gente abundante na tierra y el inclinacion del pensamiento del de suyo corazon solamente malo na todo tiempo.”

Si Noe un buen gente. Ya habla si Jehova con Noe que ay destroza Ele con el maga mal gente por medio del grande avenida.

El Dios ya habla tambien con Noe que construi un grande barco, que ya llama arka, y lleba de suyo familia y todo clase de animal adentro.

Si Noe ya dale aviso con maga gente acerca na llegada del Avenida, pero no quiere sila oi. El otro ya re lang con Noe; el otro ya odia con ele.

Cuando ya acaba construi el arka, si Noe ya lleba adentro con el maga animal.