Si quiere kita hace alegre el corazon de Jehova, necesita kita oi con el otro importante persona. Cuando nuay pa crea con Adan, si Jehova ya crea un poderoso angel na cielo.

Ya pasa el tiempo, si Jehova ya imvia con ele que nace na Betlehem por medio na un virgen, si Maria. Jesus el nombre que ya dale con ele.—Juan 6:38.

Como un gente na tierra, si Jesus perfectamente ya reflecta con el maga calidad del Dios. Ele bien bueno y amable. Facil tambien atraca con ele. Sin miedo le ya enseña el verdad con otro acerca con Jehova.

Si Jesus tambien ya cura con el maga enfermo, y ya resucita con los demas muerto.

El maga lider del religión ya odia con Jesus cay ya revela ele el de ila falso enseñansa y mal manera.

El maga lider del religión ya convinci con el maga Romano para castiga y mata con Jesus.