SECCION 3
Cosa el Vida de Antes na Paraiso?
Ya dale si Jehova mucho buen cosas con Adan y Eva. Genesis 1:28
Si Jehova ya crea con el primer mujer, si Eva, y ya dale con Adan para queda de suyo esposa.—Marcos 10:6, 7.
Si Jehova ya crea canila con perfecto pensamiento y cuerpo, que nuay defecto.
El Paraiso donde sila ya queda amo el jardin de Eden—un bien bonito lugar que tiene rio, maga pono de fruta y maga animal.
Si Jehova ya conversa canila; ele ya enseña canila. Si ya oi sila con ele, sila ay vivi era hasta para cuando na Paraiso tierra.
El Dios ya habla que gendeh come con el fruta del uno de maga pono. Genesis 2:16, 17
Si Jehova ya dale mira con Adan y Eva con el un pono de fruta na jardin y despues ya habla canila que si come sila con ese, sila ay muri.
Uno del maga angel ya man rebelde con Dios. Este bien malo angel amo si Satanas Diablo.
Si Satanas no quiere que si Adan y Eva obedece con Jehova. Por eso ya usa si Satanas un colebra para habla con Eva que si come ele con el fruta, gendeh le muri, sino queda le igual con Dios. Siempre, ese un embusterias.—Genesis 3:1-5; 1 Timoteo 2:14.
Baka Gusta Tambien Tu
ESSENTIAL BIBLE TEACHINGS
Porque el Dios Ya Crea con el Tierra?
Bien bonito el diaton planeta. Exacto el distancia de este na sol, justo el pagka-inclinao y gendeh bien hinay o paspas el birada de este. Porque ya hace grande esfuerzo el Dios para crea con este bien bonito tierra?
