Si paquemodo tu puede mas beneficia na este maga leccion que estaba na Biblia
Pidi con otro que enseña contigo: Man request un Bible study con el persona quien ya dale contigo este brosyur o man submit un request na diamon website, jw.org/cbk.
PRIMER PARTE
Le con el cada parapo, incluido el maga pregunta (A) y texto (B) que ta hace claro con el maga importante punto. Durante el Bible study, le suena con el cuanto maga texto que ya marca “le con el.”
IKA-DOS PARTE
El cosa ta menciona (C) bajo na Aprende Pa Mas ta dale mira si cosa hay discuti. El maga subheading (D) ta introduci con el maga importante punto. Le con el maga texto, contesta con el maga pregunta y mira con el maga video (E).
Considera con el maga letrato y caption (F), y pensa si paquemodo tu contesta con el cosa ya menciona bajo na El Cuanto Ta Habla (G).
ULTIMO PARTE
Na fin del leccion, tiene Sumario y Repaso (H). Pone con el fecha si cuando ya completa con el leccion. Bajo na Pruba Hace Este (I), tiene maga cosas que puede tu hace o aplica. Na seccion Sabe Pa Mas (J), tiene omento informacion que puede tu le o mira.
Si paquemodo puede incuntra con el maga texto na Biblia
Ta indica con el maga texto por medio na nombre del libro na Biblia (A), el capitulo (B) y el maga versiculo (C). Por ejemplo, el Juan 17:3 ta refiri con el libro de Juan, capitulo 17, versiculo 3.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
