LECCION 01
Paquemodo el Biblia Puede Ayuda Contigo?
Todo kita tiene maga pregunta acerca na vida, sufrimiento, muerte y na futuro. Necesita tambien kita ayuda para solva con el maga problema, igual como si paquemodo tene bastante sen o alegre familia. El Biblia gendeh lang ta ayuda con el maga gente para contesta con el maga importante pregunta na vida sino ta dale tambien este practical consejo. Todo kita puede beneficia con el Biblia.
1. Cosa el cuanto maga pregunta que el Biblia ta contesta?
Ta contesta el Biblia con este maga importante pregunta: Onde kita estaba? Porque kita taqui? Porque el maga inocente gente ta sufri? Cosa ta sucede con el un persona si ta muri? Si todo maga gente quierre tene paz, porque mucho guerra? Cosa hay sucede con el mundo na futuro? El Biblia ta anima kanaton que busca el contestacion na ese maga pregunta. Y millones el alegre ya puede incuntra con el contestacion.
2. Paquemodo el Biblia puede ayuda kanaton para tene alegre vida?
El Biblia ta dale kanaton maga buen consejo. Por ejemplo, ta enseña este con el maga familia si paquemodo queda deverasan alegre. Ta dale este consejo si cosa kita debe hace si ta sinti kita stress y si paquemodo queda alegre na diaton trabajo. Mientras ta discuti kita con este publicacion, hay aprende tu si cosa ta enseña el Biblia acerca con este maga topico y otro pa. Asigurao que man uyun tu que “todo el maga Escritura [el todo cosa na Biblia] . . . puede gayot usa con provecho” o puede kita beneficia.—2 Timoteo 3:16.
Este publicacion gendeh encambio na Biblia. Sino, ta anima este que examina tu mismo con el Biblia. Poreso, pabor le con el maga texto na este maga leccion y compara con ese na cosa tu ta aprende.
APRENDE PA MAS
Aprende si paquemodo el Biblia ya ayuda con el maga gente, si paquemodo tu puede tene gana le con ese y si porque importante pidi ayuda para entende con ese.
3. El Biblia puede guia kanaton
El Biblia igual como luz. Puede kita usa con el Biblia para hace maga buen decision y para sabe si cosa hay sucede na futuro.
Le con el Salmo 119:105 y despues, discuti con este maga pregunta:
-
Para con el quien ya escribi con este texto, cosa el Biblia?
-
Cosa de tuyu opinion acerca na Biblia?
4. El Biblia puede contesta con el diaton maga pregunta
El un mujer ya incuntra na Biblia el contestacion na de suyu maga pregunta que ya dura ya le ta pensa. Man play con el VIDEO y despues, discuti con el maga pregunta.
-
Na video, cosa maga pregunta tiene el mujer?
-
Paquemodo el estudiada del Biblia ya puede ayuda con ele?
El Biblia ta anima kanaton que pregunta. Le con el Mateo 7:7 y despues, contesta con el pregunta:
-
Cosa maga pregunta tu tiene que puede contesta el Biblia?
5. Puede tu tene gana le con el Biblia
Manada el alegre ta le con el Biblia y ta beneficia sila con ese. Man play con el VIDEO y despues, discuti con el maga pregunta.
-
Na video, cosa ta sinti el maga jovenes acerca na lehida?
-
Maskin gendeh sila quierre-quierre le, porque sila alegre le con el Biblia?
El Biblia ta habla que puede este dale kanaton comforta y esperanza. Le con el Roma 15:4 y despues, discuti con este pregunta:
-
Interesao ba tu sabe mas acerca con el promesa de esperanza na Biblia?
6. Puede ayuda el otro kanaton para entende con el Biblia
Puera que ta le sila con el Biblia, mucho ta beneficia si ta discuti se sila junto con otro. Le con el Maga Actividad 8:26-31 y despues, discuti con este pregunta:
-
Paquemodo kita puede entende con el Biblia?—Mira con el versiculo 30 y 31.
El un hombre de Etiopia ya necesita el ayuda del otro para entende el cosa ele ta le. Manada maga gente ahora el ta beneficia na diila estudiada del Biblia junto con otro
EL CUANTO TA HABLA: “Ta hace lang tu sayang con el de tuyu tiempo si ta estudia tu con el Biblia.”
-
Cosa tu hay contesta y porque?
SUMARIO
El Biblia ta dale consejo na vida, ta contesta maga importante pregunta y ta dale con el maga gente comforta y esperanza.
Repaso
-
Cosa clase de consejo kita puede incuntra na Biblia?
-
Cosa el cuanto maga pregunta que el Biblia ta contesta?
-
Cosa tu quierre aprende estaba na Biblia?
SABE PA MAS
El Biblia ta dale practical consejo na diaton tiempo.
“Maga Enseñanza na Biblia—Sabeduria que Gendeh Ta Cambia” (The Watchtower Num. 1 2018)
Mira si paquemodo el Biblia ya puede ayuda con el un hombre quien ya tiene dificultad na de suyu emocion desde bata.
Examina con el maga practical consejo del Biblia para na familia.
Aprende si paquemodo el Biblia ta corecta con el gendeh justo idea del maga gente acerca si quien el deverasan ta controla con el mundo.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
