LECCION 02
El Biblia Ta Dale Esperanza
Manada gente el tiene problema que ta hace kanila triste, malingasa y dolorido. Ansina ba tambien tu ta sinti? Baka ta sufri tu por causa na enfermedad o tiene quien ya muri que cerca contigo. Siguro ta pensa tu, ‘Queda pa gaha enbuenamente el situacion?’ El Biblia ta dale contestacion na ese pregunta.
1. Cosa ta habla el Biblia acerca na futuro?
Ta explica el Biblia si porque kita manada problema. Ta habla tambien este kanaton que gendeh dura hay quita ya con el maga problema. El maga promesa na Biblia puede ‘dale contigo futuro y esperanza.’ (Le con el Jeremias 29:11, 12.) Ese maga promesa puede ayuda kanaton para enfrenta con el diaton maga problema ahora, para queda positivo y para queda alegre hasta para cuando.
2. Cosa clase de vida na futuro el ya promete el Biblia?
El Biblia ya habla que llega el tiempo, “nunca mas ay tene muerte, ni dolor, ni tristeza.” (Le con el Revelacion 21:4.) Nuay mas ya el maga problema que ta manda kanaton sufri—igual na pobreza, injusticia, enfermedad y muerte. El Biblia ya promete que el maga gente hay queda ya alegre hasta para cuando na Paraiso tierra.
3. Paquemodo tu puede asigura que sucede gayot el maga promesa na Biblia?
Manada gente el ta esperanza buen cosas pero gendeh sila asigurao si sucede ba se. Pero el maga promesa na Biblia asigurao hay sucede gayot. Puede tu se asigura si ‘estudia tu el maga Escritura.’ (Maga Actividad 17:11) Mientras ta estudia tu con el Biblia, puede tu mismo mira si creé ba tu con el cosa este ta habla acerca na futuro.
APRENDE PA MAS
Sabe acerca na maga cuanto cosas que ya promete el Biblia para na futuro. Mira si paquemodo el maga promesa na Biblia ta ayuda con el maga gente ahora.
4. El Biblia ya promete que puede kita vivi hasta para cuando donde nuay mas problema
Mira con el cuanto cosas que ya promete na Biblia. Cosa promesa el quierre gayot tu? Porque?
Le con el maga texto que ya menciona despues del maga promesa y discuti con este maga pregunta:
-
Ta dale ba contigo esperanza este maga texto? Puede ba este ayuda con el de tuyu maga familia y amigo?
Imagina que puede tu vivi na un mundo que donde
|
NUAY MASKIN QUIEN HAY . . . |
EL TODO HAY PUEDE . . . |
|---|---|
|
|
|
|
|
|
|
|
|
|
5. El maga promesa na Biblia puede ayuda kanaton ahora
Manada gente el ya queda triste o ya rabia pa gane por causa na maga problema que ta puede sila mira alrededor kanila. El cuanto ya pricura hace maga cambio na mundo para queda este enbuenamente. Mira si paquemodo el maga promesa na Biblia ta puede ayuda con el maga gente ahora. Man play con el VIDEO y despues, discuti con este maga pregunta.
-
Na video, cosa injusticia ya experiencia si Rafika?
-
Maskin pa nuay perde el injusticia, paquemodo el Biblia ya ayuda con ele?
Si creé kita con el promesa na Biblia acerca na futuro, puede kita queda positivo y queda alegre maskin tiene maga problema. Le con el Proverbio 17:22 y Roma 12:12, y despues, discuti con este maga pregunta:
-
Para contigo, el mensaje ba del Biblia puede hace mas bueno con el de tuyu vida ahora? Porque?
EL CUANTO TA HABLA: “Imposible sucede el cosa ta promete el Biblia acerca na futuro.”
-
Para contigo, porque importante que examina tu con el maga evidencia que sucede gayot el maga promesa na Biblia?
SUMARIO
El Biblia tiene manada bonito promesa acerca na futuro y puede se ayuda kanaton para enfrenta con el maga problema ahora.
Repaso
-
Porque el maga gente necesita sabe acerca na maga promesa na Biblia?
-
Cosa ta habla el Biblia acerca na futuro?
-
Paquemodo el promesa acerca na futuro puede ayuda contigo ahora?
SABE PA MAS
Sabe si paquemodo el maga promesa na Biblia puede ayuda contigo si tiene tu maga problema.
“Esperanza—Onde Tu con Este Puede Incuntra?” (Awake!, Abril 22, 2004)
Mira si paquemodo el maga promesa acerca na futuro puede ayuda con aquellos quien tiene grabe enfermedad.
“Puede Ba Ayuda Contigo el Biblia si Tiene Tu Grabe Enfermedad?” (Articulo na website)
Mientras ta mira con este music video, imagina que etu y el de tuyu familia talla y alegre na Paraiso.
Sabe si paquemodo ya cambia el vida del un activista cuando ya aprende le el promesa na Biblia acerca na futuro.
“Ya Puede Yo Realiza que Gendeh Mas Yo Necesita Cambia con el Mundo” (The Watchtower, Julio 1, 2013)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
