LECCION 04
Quien el Dios?
Desde antes, el maga gente ya adora manada maga dios-dios. Pero, el Biblia ta habla que tiene un Dios que “mas poderoso contra na otro maga dios.” (2 Cronicas 2:5) Quien se Dios? Y porque le mas poderoso contra na otro maga dios que ta adora el maga gente? Na este leccion, sabe si cosa el Dios quierre que sabe tu acerca con ele.
1. Cosa el nombre del Dios y paquemodo kita puede asigura que quierre le que sabe kita con ese?
Na Biblia, el Dios ya habla si cosa el de suyu nombre. Ele ya habla: “Iyo si Jehova. Ese el de mio nombre.” (Le con el Isaias 42:5, 8.) “Jehova” el translation del un Hebreo nombre que asegun na manada maga scholar quierre decir “Ta Causa Le Para Queda.” Quierre si Jehova que sabe kita el de suyu nombre. (Exodo 3:15) Porque se kita puede habla? Ya menciona de suyu nombre na Biblia mas de 7,000 beses! a El nombre Jehova para lang na “verdadero Dios arriba na cielo y aqui abajo na tierra.”—Deuteronomio 4:39.
2. Cosa ta habla el Biblia acerca con Jehova?
El Biblia ta habla que na todo maga dios que ta adora el maga gente, si Jehova lang el verdadero Dios. Porque? Tiene manada maga razon. Si Jehova lang “el Bien Alto na entero mundo.” (Le con el Salmo 83:18.) Ele el “Todopoderoso” cay tiene le el poder para hace con el maskin cosa le quierre. Ele “ya hace con todo maga cosa-cosa”—el universo y todo cosas aqui na tierra. (Revelacion 4:8, 11) Gendeh igual con otro, si Jehova ta existi ya desde antes pa y hay continua le existi hasta para cuando.—Salmo 90:2.
APRENDE PA MAS
Sabe si cosa el diferencia entre na maga titulo del Dios y de suyu bonito nombre. Hay sabe tambien kita si paquemodo y si porque le ya manda sabe el de suyu nombre contigo.
3. Manada titulo el Dios pero uno lang el de suyu nombre
Tiene ba diferencia si usa kita con el nombre del un persona compara si usa kita con el de suyu titulo? Para sabe el contestacion, man play con el VIDEO y despues, discuti con este pregunta.
-
Cosa el diferencia entre na un titulo, como “Señor,” na nombre?
El Biblia ta habla que el maga gente ta adora manada maga dios y señor. Le con el Salmo 136:1-3 y despues, discuti con este pregunta:
-
Quien “el Dios del maga dios” y “el Señor del maga señor”?
4. Quierre si Jehova que sabe tu y usa con el de suyu nombre
Porque tu puede habla que quierre si Jehova que sabe tu el de suyu nombre? Man play con el VIDEO y despues, discuti con este maga pregunta.
-
Ta mira tu, quierre ba si Jehova que sabe el maga gente el de suyu nombre? Porque?
Quierre si Jehova que el maga gente usa con el de suyu nombre. Le con el Roma 10:13 y despues, discuti con este maga pregunta:
-
Porque importante que usa kita el nombre de Jehova?
-
Cosa tu sinti si el un persona ta acorda y ta llama contigo na de tuyu nombre?
-
Cosa gaha ta sinti si Jehova si ta usa tu con el de suyu nombre?
5. Quierre si Jehova que queda tu de suyu amigo
El un mujer de Cambodia que si Soten ya habla que cuando ya sabe le con el nombre del Dios, ya ayuda este con ele para queda mas alegre. Man play con el VIDEO y despues, discuti con este pregunta.
-
Na video, cosa el efecto con Soten cuando ya sabe le el nombre del Dios?
Mas mucho, ta sabe anay tu el nombre del un persona antes tu queda de suyu amigo. Le con el Santiago 4:8a y despues, discuti con este maga pregunta:
-
Cosa quierre si Jehova que hace tu?
-
Si sabe tu y ta usa con el nombre del Dios, paquemodo se puede ayuda contigo para queda amigo de suyu?
EL CUANTO TA HABLA: “Uno lang man el Dios poreso gendeh importante si cosa tu llama con ele.”
-
Ta creé ba tu que Jehova el nombre del Dios?
-
Paquemodo tu explica con otro que quierre el Dios usa kita con el de suyu nombre?
SUMARIO
Jehova el nombre del verdadero Dios. Quierre le que sabe kita y usa con el de suyu nombre para queda kita de suyu amigo.
Repaso
-
Porque diferente si Jehova con el otro maga dios que ta adora el maga gente?
-
Porque kita debe usa con el nombre del Dios?
-
Cosa ta dale mira que quierre si Jehova que queda tu de suyu amigo?
SABE PA MAS
Examina con el cinco maga razon si porque kita puede asigura que tiene Dios.
Considera si porque justo lang que creé kita que ta existi ya el Dios desde antes.
“Quien Ya Hace con el Dios?” (The Watchtower, Agosto 1, 2014)
Sabe si porque kita debe usa con el nombre del Dios maskin no sabe kita si paquemodo con este original ta pronuncia.
Importante ba si cosa kita llama con Dios? Mira si porque kita puede habla que tiene lang le un personal nombre.
a Para na mas informacion acerca si cosa quierre decir del nombre del Dios y si porque el cuanto maga translation del Biblia ya quita con este, mira con el Appendix A4 na New World Translation of the Holy Scriptures.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
