LECCION 05
El Biblia Amo un Mensaje del Dios Para Kanaton
Ya dale kanaton si Jehova el Biblia. Este amo un bonito regalo que tiene 66 diutay libro. Pero baka ta pensa tu: ‘Onde estaba el Biblia? Quien el Autor de este?’ Para sabe el contestacion de ese, discuti kita si paquemodo kita ya tene Biblia.
1. Porque kita puede habla que el Dios el Autor del Biblia maskin gente el ya escribi con este?
Tiene maga 40 persona quien ya escribi con el Biblia adentro na maga 1,600 año, principia del 1513 B.C.E. hasta maga 98 C.E. Otro-otro el diila trabajo. Tiene kanila maga rey, pescador y ta cuida maga animal. Pero el cosa sila ya escribi gendeh tan contra na uno y otro. Paquemodo se ya queda posible? Cay el Dios el Autor del Biblia. (Le con el 1 Tesalonica 2:13.) Aquellos quien ya escribi con este nuay escribi si cosa lang na diila pensamiento. Sino ‘el sagrao espiritu el ya manda kanila converza por parte del Dios.’ a (2 Pedro 1:21) El Dios ya usa con el de suyu sagrao espiritu para guia con el maga gente que escribi si cosa Le ta pensa.—2 Timoteo 3:16.
2. Quien el puede beneficia con el Biblia?
El maga gente de “todo nacion, raza, lenguaje” y lugar puede beneficia con el buen noticia na Biblia. (Le con el Revelacion 14:6.) Ya asigura el Dios que puede le con el Biblia na mas manada lengguaje compara na otro maga libro. El mayoria puede le con el Biblia maskin onde sila ta queda o maskin cosa lengguaje sila ta converza.
3. Paquemodo si Jehova ya preserva con el Biblia?
Ya escribi con el Biblia usando el maga material que pronto lang queda malo. Pero el maga gente quien ta ama con el Biblia ya hace exacto copia de este. El cuanto poderoso gente ya pricura destroza con el Biblia, pero el otro ya protege con este maskin ya pone se na peligro con el diila vida. Nuay permiti si Jehova que tiene maskin quien o maskin cosa que sangga con ele para man cuento kanaton. El Biblia ta habla: “El palabra del diaton Dios hay esta hasta para cuando.”—Isaias 40:8.
APRENDE PA MAS
Sabe pa mas si paquemodo el Dios ya guia con el maga gente que escribi con el Biblia, si paquemodo le ya preserva con ese y si cosa le ya hace para puede con ese le el todo.
4. El Biblia ta habla si quien el Autor de este
Man play con el VIDEO. Despues, le con el 2 Timoteo 3:16 y discuti con el maga pregunta.
-
Si maga gente el ya escribi con el Biblia, porque con este ta llama Palabra del Dios?
-
Para contigo, puede ba el Dios hace pasa na maga gente el cosa le ta pensa para escribi con el Biblia?
El un persona puede manda escribi con otro el de suyu mensaje na un carta. Na igual manera, el Dios ya manda con el cuanto maga gente que escribi el De Suyu mensaje na Biblia
5. Ya preserva con el Biblia desde na maga ataque
Ciendo el Biblia estaba con Dios, asigurao que preserva le con este. Desde antes, manada poderoso gente el ya pricura destroza con el Biblia. El maga lider de religion no quierre que le el maga gente con este. Pero manada gente el ya protege con el Biblia maskin manada el quien tan contra kanila y na peligro el diila vida. Para sabe acerca con el un gente quien ya hace igual con ese, man play con el VIDEO y despues, discuti con este maga pregunta.
-
Ahora cay ya sabe tu si paquemodo el otro ya pricura protege con el Biblia, ya queda ba tu mas interesao le con ese? Porque?
Le con el Salmo 119:97 y despues, discuti con este pregunta:
-
Cosa el ya manda move con el manada maga gente para man translate y distribui con el Biblia maskin na peligro el diila vida?
6. Un libro para na todo
El Biblia amo el libro que tiene de con todo manada translation y copia que ya distribui. Le con el Maga Actividad 10:34, 35 y despues, discuti con este maga pregunta:
-
Porque el Dios quierre que tene manada translation y copia del de suyu Palabra?
-
Cosa tu ta aprecia acerca na Biblia?
Cerca
100%
del maga gente na mundo
el puede le con el Biblia na lengguaje que ta entende sila
Puede le na mas de
3,000
lengguaje
con el completo Biblia o parte de este
5,000,000,000
El ya carcula numero de copia que ya produci,
que mas manada compara na maskin cosa libro
EL CUANTO TA HABLA: “Gente lang man el ya escribi con el Biblia y daan ya se.”
-
Cosa tu puede habla?
-
Cosa evidencia ta dale mira que el Biblia amo el Palabra del Dios?
SUMARIO
El Biblia amo el Palabra del Dios y ya asigura le que puede se le el todo gente.
Repaso
-
Paquemodo el Dios ya guia con el maga gente para escribi con el Biblia?
-
Cosa tu ta aprecia acerca na Biblia base na cosa tu ya aprende na este leccion?
-
Cosa tu ta sinti ahora cay ya sabe tu que ya hace manera el Dios para man cuento contigo?
SABE PA MAS
Le con el istoria si paquemodo yan translate con el Biblia estaba na original copia de este.
“Paquemodo el Biblia Ya Alcanza na Diaton Tiempo?” (Awake!, Noviembre 2007)
Sabe si paquemodo ya preserva con el Biblia contra na tres ataque con este.
“El Biblia—Si Paquemodo con Este Ya Preserva” (The Watchtower Num. 4 2016)
Mira si paquemodo el otro maga gente ya man translate con el Biblia maskin na peligro el diila vida por causa con ese.
Tiene ya manada translation y copia del Biblia. Paquemodo tu puede asigura que exacto siempre el mensaje de este?
a Como cosa hay discuti na Leccion 07, el sagrao espiritu amo el activo fuerza del Dios.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
