LECCION 06
Onde Estaba el Vida?
El Biblia ta habla que el Dios amo “el quien ya hace con el entero mundo.” (Revelacion 4:11) Ta creé ba tu con ese? El cuanto ta habla que nuay quien ya crea o ya hace con el vida. Quierre decir, para kanila derepente o dayun lang kita ya existi. Pero ya crea si Jehova con el vida poreso tiene razon si porque ta existi este todo. a Considera na Biblia si onde estaba el vida y si porque justo que creé kita con ese.
1. Onde estaba el universo?
El Biblia ta habla: “Na principio, ya crea el Dios con el cielo y con el tierra.” (Genesis 1:1) Mayoria del maga cientista tan uyun que tiene principio el universo. Paquemodo el Dios ya crea con este? Ya usa le el de suyu “activo fuerza”—el de suyu sagrao espiritu—para hace con el todo cosas na universo, incluido ya el maga galaxia, estrellas y maga planeta.—Genesis 1:2.
2. Porque el Dios ya crea con el tierra?
Si Jehova “nuay crea con [el tierra o el mundo] por nuay nada sino ya forma con este para onde puede queda.” (Isaias 45:18) Ya hace le con el diaton planeta para queda un bonito lugar onde queda el maga gente hasta para cuando. (Le con el Isaias 40:28; 42:5.) El ciencia ya revela que el tierra diferente na otro maga planeta. Nuay sila incuntra otro planeta onde puede vivi el maga gente.
3. Na cosa manera diferente el maga gente na maga animal?
Despues le hace con el tierra, si Jehova ya crea con el cosas que tiene vida. Una, ya llena le con el tierra de maga siembra y animal. Despues, “el Dios ya crea con el gente na de suyu imagen.” (Le con el Genesis 1:27.) Porque diferente el maga gente? Ciendo ya hace kanaton el Dios na de suyu imagen, tiene kita el de suyu maga calidad, igual na amor y justicia. Ya crea tambien le kanaton que tiene abilidad para aprende maga lengguaje, aprecia maga bonito cosas y man enjoy con el maga cancion. Y gendeh igual na maga animal, ta puede kita adora con el diaton Creador.
APRENDE PA MAS
Considera con el evidencia que ya diseña con el vida y justo el cosa ta habla el Biblia acerca na creacion. Sabe si cosa ta enseña kanaton el maga calidad del gente acerca con Dios.
4. Ya diseña con el vida
Ta ricibi honor el maga gente para na maga diseño que ya copia sila na creacion. Pero quien ba debe ricibi el honor para na maga original diseño? Man play con el VIDEO y despues, discuti con el pregunta.
-
Cosa ya copia el maga gente estaba na creacion?
El cada casa tiene quien ya diseña y ya hace. Pero quien ya diseña y ya hace con el todo maga cosas? Le con el Maga Hebreo 3:4 y despues, discuti con este maga pregunta:
-
Cosa maga diseño del creacion el ta aprecia gayot tu?
-
Justo ba para creé que ya diseña con el universo y todo maga cosas? Porque?
Sabe ba tu?
Puede tu incuntra maga articulo y video acerca na este topico na jw.org na serie “Was It Designed?” y “Viewpoints on the Origin of Life.”
“Todo casa tiene quien ya planta. Pero quien ya hace con el mundo amo el Dios”
5. Justo el Biblia acerca na creacion
Na Genesis capitulo 1, el Biblia ya menciona si paquemodo ya crea con el tierra y con el vida. Puede ba tu confia con este o un falso istoria lang este? Man play con el VIDEO y despues, discuti con el maga pregunta.
-
Ta enseña ba el Biblia que ya crea con el tierra y con el vida adentro na literal seis dia que tiene 24 hora cada dia?
-
Para contigo, maka-creé ba y justo el cosa ya habla el Biblia acerca na creacion? Porque?
Le con el Genesis 1:1 y despues, discuti con este pregunta:
-
El maga cientista ta habla que tiene principio el universo. Paquemodo se tan uyun na cosa tu nuevo lang ya le na Biblia?
El cuanto ta pensa que ya crea el Dios con el maga cosas por medio de evolucion. Quierre decir, ta pensa sila que ya crea el Dios un cosa y despues, alli estaba el otro maga cosas. Le con el Genesis 1:21, 25, 27 y despues, discuti con este maga pregunta:
-
Ta enseña ba el Biblia que ya usa el Dios evolucion para hace con el maga pescao, otro animal y maga gente? O ya crea le con el todo “clase” de vida?
6. Diferente el gente na otro creacion del Dios
Otro kita na maga animal que ya crea si Jehova. Le con el Genesis 1:26 y despues, discuti con este pregunta:
-
Ciendo ya hace kanaton na imagen del Dios, cosa el diaton amor y lastima ta enseña acerca na personalidad del Dios?
EL CUANTO TA HABLA: “Gendeh deverasan el cosa ta habla el Biblia acerca na creacion.”
-
Cosa tu puede habla acerca con este? Porque?
SUMARIO
Ya crea si Jehova con el universo y con el todo vida.
Repaso
-
Cosa ta enseña el Biblia acerca si onde estaba el universo?
-
Ya usa ba el Dios con el evolucion para hace con el diferente clase de cosas o ya crea le con ese todo?
-
Porque especial el maga gente?
SABE PA MAS
El creacion ta dale mira que tiene quien ya diseña con este.
“Cosa Ta Enseña el Maga Creacion?” (Awake!, Septiembre 2006)
Mira si paquemodo el un tata ta explica con el de suyu anak acerca na creacion.
Considera si tan uyun ba el evolucion na Biblia.
“Ya Usa Ba el Dios con el Evolucion Para Crea Diferente Clase de Vida?” (Articulo na website)
Examina si el maga bukuk ba que ya incuntra o el maga experimento del maga cientista ta dale mira que ya crea con el vida o ya existi lang este solo-solo.
a Na Leccion 25, hay discuti si cosa el razon si porque ya crea el Dios con el maga gente.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
