LECCION 08
Puede Tu Queda Amigo de Jehova
Quierre si Jehova que mas conoce tu con ele. Porque? Cay si mas aprende tu acerca na de suyu maga calidad, si paquemodo le ta trata con el maga gente y si cosa le quierre para contigo, hay mas quierre tu queda de suyu amigo. Puede ba gayot tu queda amigo del Dios? (Le con el Santiago 2:23.) Cosa tu puede hace para queda de suyu amigo? El Biblia ta contesta con este maga pregunta y ta dale mira si porque si Jehova amo el de con todo buen amigo que puede tu tene.
1. Cosa invitacion el ta dale si Jehova contigo?
“Atraca con Dios y Ele ay atraca con ustedes.” (Santiago 4:8) Cosa este quierre decir? Si Jehova ta invita contigo para queda de suyu amigo. El cuanto tan dificil creé que puede sila queda amigo del Dios cay no puede sila mira con ele. Pero na de suyu Palabra, el Biblia, si Jehova ta habla el todo cosa kita necesita sabe acerca na de suyu personalidad para queda kita cerca con ele. Si le kita con el mensaje del Dios para kanaton na Biblia, hay queda kita mas cerca con Jehova maskin gendeh kita con ele ta puede mira.
2. Porque si Jehova el de con todo buen Amigo que puede tu tene?
Nuay quien mas ta ama contigo contra con Jehova. Quierre le que queda tu alegre y reza tu con ele si necesita tu ayuda. Puede tu ‘deja todo el de tuyu maga lingasa con ele, cay ele ta cuida contigo.’ (1 Pedro 5:7) Si Jehova pirmi preparao para suporta, dale comforta y oi con el de suyu maga amigo.—Le con el Salmo 94:18, 19.
3. Para queda amigo de Jehova, cosa le quierre que hace kita?
Ta ama si Jehova con el todo maga gente “pero tiene Le buen amistad con el maga recto.” (Proverbio 3:32) Quierre si Jehova que el de suyu maga amigo pricura hace el cosas bueno y evita el cosas malo. El cuanto ta sinti que imposible para kanila que sigui con el maga principio de Jehova acerca na bueno y malo. Pero ta entende kanaton si Jehova. Ta acepta le con el todo quien deverasan ta ama con ele y aquellos quien ta pricura hace alegre con ele.—Salmo 147:11; Maga Actividad 10:34, 35.
APRENDE PA MAS
Aprende pa mas acerca si paquemodo tu puede queda amigo de Jehova y si porque ele el de con todo buen Amigo que puede tu tene.
4. Si Abraham amigo de Jehova
El istoria na Biblia acerca con Abraham (que conocido tambien como Abram) ta ayuda kanaton para entende si cosa quierre decir que queda amigo del Dios. Le acerca con Abraham na Genesis 12:1-4. Despues, discuti con este maga pregunta:
-
Cosa si Jehova ya manda con Abraham?
-
Cosa si Jehova ya promete con ele?
-
Cosa ya hace si Abraham?
5. Si cosa ta pidi si Jehova na de suyu maga amigo
Tiene maga cosas que quierre kita que hace el diaton maga amigo.
-
Cosa el cuanto cosas que quierre tu hace el de tuyu maga amigo para contigo?
Le con el 1 San Juan 5:3 y despues, discuti con este pregunta:
-
Cosa quierre si Jehova que hace el de suyu maga amigo?
Para obedece con Jehova, posible necesita kita cambia con el diaton custumbre o personalidad. Le con el Isaias 48:17, 18 y despues, discuti con este pregunta:
-
Porque quierre si Jehova que el de suyu maga amigo hace maga cambio?
El un buen amigo ta manda kanaton hace cosas que puede kita beneficia. Ansina tambien si Jehova ta hace para na de suyu maga amigo
6. Si paquemodo ta ayuda si Jehova con el de suyu maga amigo
Si Jehova ta ayuda con el de suyu maga amigo para enfrenta con el maga problema. Man play con el VIDEO y despues, discuti con el pregunta.
-
Paquemodo si Jehova ya ayuda con el mujer para enfrenta con el de suyu negativo emocion?
Le con el Isaias 41:10, 13 y despues, discuti con este maga pregunta:
-
Cosa ta promete si Jehova para na todo de suyu maga amigo?
-
Bonito ba queda amigo de Jehova? Porque?
El maga buen amigo ta ayuda contigo si necesita tu. Si Jehova hay ayuda tambien contigo
7. Para queda amigo de Jehova, importante el comunicacion
Ta queda mas cerca el man amigo si tan cuento sila con uno y otro. Le con el Salmo 86:6, 11 y despues, discuti con este maga pregunta:
-
Paquemodo kita puede man cuento con Jehova?
-
Paquemodo tan cuento kanaton si Jehova?
Ta converza kita con Jehova por medio na rezo; ta converza le kanaton por medio na Biblia
EL CUANTO TA HABLA: “Imposible kita queda amigo del Dios.”
-
Cosa texto tu usa para dale mira que puede kita queda amigo de Jehova?
SUMARIO
Quierre si Jehova que queda de tuyu Amigo y hay ayuda le contigo para queda cerca con ele.
Repaso
-
Paquemodo si Jehova ta ayuda con el de suyu maga amigo?
-
Porque si Jehova ta pidi con el de suyu maga amigo que hace maga cambio?
-
Para contigo, sobra ba el cosa ta pidi si Jehova na de suyu maga amigo? Porque?
SABE PA MAS
Paquemodo el relacion con Dios puede afecta con el de tuyu vida?
“Si Jehova—Un Dios que Debe Kita Conoce” (The Watchtower, Febrero 15, 2003)
Aprende si paquemodo queda amigo del Dios.
Sabe si porque ta sinti el un mujer que el de suyu relacion con Jehova ya salva con el de suyu vida.
Sabe si cosa ta sinti el cuanto maga jovenes acerca con Jehova.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
