LECCION 15
Quien si Jesus?
Si Jesus amo uno del maga bien conocido persona na historia. Manada gente el sabe de suyu nombre pero no conoce sila si quien gayot ele. Manada tambien sila diferente idea acerca si quien gayot si Jesus. Cosa el Biblia ta habla acerca con ele?
1. Quien si Jesus?
Si Jesus amo un poderoso angel quien ta vivi na cielo. Ya crea con ele si Jehova antes Le crea con el todo cosas. Por causa con ese, ya llama con ele “el primero na entero creacion.” (Colosa 1:15) El Biblia ta refiri con Jesus como el “Unico Anak” del Dios cay con Jesus lang directa ya crea si Jehova. (Juan 3:16) Ya ayuda si Jesus con el de suyu tata, si Jehova, para crea con el otro cosas. (Le con el Colosa 1:16.) Tiene si Jesus un cerca relacion con Jehova. Leal le ta sirvi como “el palabra”—el representante del Dios quien ta dale el De Suyu maga mensaje y instruccion.—Juan 1:14.
2. Porque si Jesus ya vene na tierra?
Maga 2,000 año ya el ya pasa, ya hace si Jehova un milagro. Ya usa le con el de suyu sagrao espiritu para transfiri con el vida de Jesus estaba na cielo para na vientre del un virgen mujer que si Maria. Na este manera, ya nace con Jesus como un gente. (Le con el Lucas 1:34, 35.) Ya imbia si Jehova con Jesus para na tierra para queda el Mesias o Cristo, y para salva con el maga gente. a El todo profecia na Biblia acerca con el Mesias ya cumpli con Jesus. Ya ayuda este con el maga gente para sabe que si Jesus “amo el Cristo, el Anak del Dios vivo.”—Mateo 16:16.
3. Onde si Jesus ahora?
Despues le muri como un gente, ya resucita con ele como un angel y ya bira le na cielo. Alla, “el Dios ya pone con Ele na mas alto lugar” o posicion. (Filipo 2:9) Ahora, tiene ya alto autoridad si Jesus y si Jehova lang el mas alto que con ele.
APRENDE PA MAS
Sabe pa mas si quien gayot si Jesus y si porque bien importante que conoce kita con ele.
4. Si Jesus gendeh el Todopoderoso Dios
El Biblia ta enseña que maskin un poderoso angel si Jesus na cielo, bajo le na de suyu Dios y Tata que si Jehova. Porque kita se puede habla? Man play con el VIDEO para mira si cosa el Biblia ta habla acerca na posicion de Jesus si compara na todopoderoso Dios.
El siguiente maga texto hay ayuda kanaton para entende el relacion de Jehova y Jesus. Le con el cada texto y despues, discuti con el maga pregunta.
Le con el Lucas 1:30-32.
-
Cosa ya habla el angel acerca na relacion de Jesus con Jehova, el “Bien Alto Dios”?
Le con el Mateo 3:16, 17.
-
Na bautismo de Jesus, cosa ya habla el voz que estaba na cielo?
-
De quien gaha quel voz?
Le con el Juan 14:28.
-
Quien el mas mayor y tiene mas autoridad? El tata o el anak?
-
Ya llama si Jesus con Jehova como de suyu Tata. Cosa se ta enseña kanaton?
Le con el Juan 12:49.
-
Ta pensa ba si Jesus que ele y el de suyu Tata un persona lang? Cosa tu puede habla acerca con ese?
5. El maga prueba que si Jesus el Mesias
El Biblia tiene manada maga profecia que puede ayuda con el maga gente para conoce con el Mesias—con quien ya iscuji el Dios para salva con el maga gente. Man play con el VIDEO para aprende acerca na cuanto maga profecia que ya cumpli con Jesus cuando ya vene le na tierra.
Le con este maga profecia na Biblia y despues, discuti con el maga pregunta:
Le con el Miqueas 5:2 para sabe si onde nace con el Mesias. b
-
Ya cumpli ba este profecia cuando ya nace con Jesus?—Mateo 2:1.
Le con el Salmo 34:20 y Zacarias 12:10 para mira con el detalle del maga profecia acerca na muerte del Mesias.
-
Ya cumpli ba este maga profecia?—Juan 19:33-37.
-
Para contigo, posible ba que si Jesus el ya causa para sucede este maga cosas?
-
Cosa este ta enseña contigo acerca con Jesus?
6. Ta beneficia kita si ta aprende kita acerca con Jesus
El Biblia ta habla que bien importante que conoce kita con Jesus y sabe el de suyu papel. Le con el Juan 14:6 y 17:3, y despues, discuti con este pregunta:
-
Porque importante que aprende kita acerca con Jesus?
Si Jesus ya abri el camino para queda kita amigo del Dios. Ya enseña le el verdad acerca con Jehova y por medio con ele, puede kita tene vida hasta para cuando
EL CUANTO TA HABLA: “El maga Testigo de Jehova gendeh ta creé con Jesus?”
-
Cosa tu hay contesta?
SUMARIO
Si Jesus amo un poderoso angel. Ele el Anak del Dios y el Mesias.
Repaso
-
Porque ya llama con Jesus “el primero na entero creacion”?
-
Cosa ya hace si Jesus antes le vene na tierra?
-
Paquemodo kita ya sabe que si Jesus el Mesias?
SABE PA MAS
Aprende pa mas acerca na papel de Jesus como el Mesias.
“El Maga Profecia Acerca na Mesias Ba Ta Dale Prueba que si Jesus el Mesias?” (Articulo na website)
Sabe si cosa ta enseña el Biblia acerca el relacion del Dios con Jesus.
“Porque Ya Llama con Jesus el Anak del Dios?” (Articulo na website)
Considera si porque el Trinidad gendeh un enseñanza que estaba na Biblia.
Sabe si paquemodo ya cambia el vida del un mujer cuando ya examina le si cosa ta habla el Biblia acerca con Jesus.
“Si Porque Ya Examina el un Judio Mujer con el De Suyu Religion” (Awake!, Mayo 2013)
a El Leccion 26 y 27 hay considera si porque necesita salva con el maga gente y si cosa ya hace si Jesus para salva kanaton.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
