LECCION 17
Cosa Clase de Persona si Jesus?
Si ta aprende kita acerca na maga cosas que ya habla y ya hace si Jesus aqui na tierra, ta sabe kita el de suyu maga calidad que ta manda move kanaton para queda cerca con ele y con el de suyu Tata, si Jehova. Cosa el cuanto de ese maga bonito calidad? Y paquemodo kita puede imita con Jesus?
1. Na cosa maga manera si Jesus igual con el de suyu Tata?
Adentro de maga billon año na cielo, si Jesus yan junto y ya aprende na de suyu Tata. Como resulta, si Jesus ta pensa, ta sinti y ta actua igual con ele. (Le con el Juan 5:19.) Gane, ya puede gayot imita si Jesus con el personalidad del de suyu Tata. Poreso, ele ya habla: “Quien ya mira conmigo, ya mira ya tamen con el Tata.” (Juan 14:9) Mientras ta aprende tu acerca na personalidad de Jesus, hay mas conoce tu con Jehova. Por ejemplo, el amor de Jesus para con el maga gente ta dale mira si cosa ta sinti si Jehova para contigo.
2. Paquemodo si Jesus ya dale mira que ta ama le con Jehova?
Si Jesus ya habla: “El mundo necesita sabe cay yo ta ama con el Tata y que ta hace yo el cosa el Tata ya manda conmigo.” (Juan 14:31) Cuando taqui si Jesus na tierra, ya obedece le con el de suyu Tata maskin pa na tiempo que malisud con ese hace. Ta dale se mira que ta ama gayot le con el de suyu Tata. Pirmi tambien le tan cuento acerca con el de suyu Tata y ta ayuda con otro para queda amigo De Suyu.—Juan 14:23.
3. Paquemodo si Jesus ya dale mira que ta ama le con el maga gente?
El Biblia ta habla que si Jesus ‘alegre con el maga gente.’ (Proverbio 8:31) Ya dale le mira amor cuando ya anima le y ya ayuda con el maga gente. Ya hace le maga milagro que ta dale mira, gendeh lang el de suyu poder, sino el de suyu amor tambien. (Marcos 1:40-42) Ya trata le enbuenamente con el maga gente y nuay le discriminacion. El de suyu maga palabra ya dale comforta y esperanza con todo quien ta oi con ele. Si Jesus conforme sufri y muri por causa na de suyu amor para con el maga gente. Pero, mas grande el de suyu amor para con aquellos quien ta sigui con el de suyu maga enseñanza.—Le con el Juan 15:13, 14.
APRENDE PA MAS
Sabe pa mas acerca na personalidad de Jesus. Y considera si paquemodo tu dale mira amor y pagka-bondadoso igual con ele.
4. Si Jesus ta ama con el de suyu Tata
El ejemplo de Jesus ta enseña kanaton si paquemodo kita dale mira amor para con Dios. Le con el Lucas 6:12 y Juan 15:10; 17:26. Despues le con el cada texto, discuti con este pregunta:
-
Igual con Jesus, paquemodo kita puede dale mira que ta ama kita con Jehova?
Ta ama si Jesus con el de suyu Tata na cielo y pirmi ta converza con ele na rezo
5. Si Jesus ta pensa acerca el bien del maga gente
Si Jesus ta hace una con el necesidad del otro contra con el de suyu mismo cuerpo. Maskin pa cansao le, ya usa le con el de suyu tiempo y fuerza para ayuda con el maga gente. Le con el Marcos 6:30-44 y despues, discuti con este maga pregunta:
-
Na este maga texto, paquemodo si Jesus ya dale mira que ta pensa le el bien del otro?—Mira con el versiculo 31, 34, 41 y 42.
-
Cosa ya manda move con Jesus para ayuda con el maga gente?—Mira con el versiculo 34.
-
Ciendo ta imita si Jesus con el maga calidad de Jehova, cosa este ta enseña contigo acerca con Jehova?
-
Paquemodo kita puede imita con Jesus que ta pensa el bien del otro?
6. Bondadoso si Jesus
Bondadoso si Jesus maskin pa nuay le manada material cosas y ya anima le kanaton para queda bondadoso. Le con el Maga Actividad 20:35 y despues, discuti con este pregunta:
-
Asegun con Jesus, paquemodo kita puede queda alegre?
Man play con el VIDEO y despues, discuti con este pregunta.
-
Na cosa maga manera kita puede dale maskin pa nuay kita manada material cosas?
Sabe ba tu?
El Biblia ta enseña kanaton que reza con Jehova na nombre de Jesus. (Le con el Juan 16:23, 24.) Si ta reza kita na ansina manera, ta dale kita mira que ta aprecia kita con el cosa ya hace si Jesus para ayuda kanaton queda amigo de Jehova.
EL CUANTO TA HABLA: “Nuay queber el Dios na diaton maga sufrimiento.”
-
Ciendo ta imita si Jesus con el de suyu Tata, paquemodo el de suyu maga accion ta dale mira que si Jehova tiene queber y ta ama kanaton?
SUMARIO
Si Jesus ta ama con Jehova y con el maga gente. Ciendo igual el maga calidad de Jesus na de suyu Tata, si mas conoce tu con Jesus, mas ta conoce tambien tu con Jehova.
Repaso
-
Igual con Jesus, paquemodo kita puede dale mira que ta ama kita con Jehova?
-
Igual con Jesus, paquemodo kita puede dale mira que ta ama kita con otro?
-
Cosa calidad de Jesus el quierre gayot tu?
SABE PA MAS
Considera con el cuanto maga calidad de Jesus que puede kita imita.
“To Imitate Jesus, Be . . .” (Jesus—The Way, the Truth, the Life, pagina 317)
Sabe si porque kita necesita reza con Jehova na nombre de Jesus.
“Porque Debe Reza na Nombre de Jesus?” (The Watchtower, Febrero 1, 2008)
Tiene ba cosa ya menciona el Biblia acerca na ichura de Jesus?
Cosa kita puede aprende na manera si paquemodo si Jesus ya trata con el maga mujer?
“Respeto y Dignidad Bajo na Cuidada del Dios” (The Watchtower, Septiembre 1, 2012)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
